Sòm 28:1-9
-
Bondye tande priyè salmis la
-
‘Jewova se fòs mwen ak boukliye m’ (7)
-
Yon chante David te ekri.
28 O Jewova, Mas Wòch mwen, se ou mwen kontinye ap rele+.Pa fè kòmsi w pa tande.Si w pa reponn mwen,M ap vin menm jan ak moun k ap desann nan twou* yo+.
2 Koute m lè m ap sipliye w pou m mande w sekou,Lè m leve men m anlè nan direksyon pyès ki pi anndan nan kote ki sakre a+.
3 Pa mennen m ale ansanm ak mechan yo ak moun k ap pratike sa ki mal yo+,Moun k ap di konpayon yo bèl pawòl, alòske yo gen move entansyon nan kè yo+.
4 Fè yo peye pou aksyon yo fè yo+,Pou tout sa yo fè ki mal yo.Fè yo peye pou sa yo fè ak men yo,Wi, pou tout sa yo fè yo+.
5 Yo pa okipe sa Jewova fè yo+,Yo pa okipe travay li fè ak men l yo+.Li gen pou l kraze yo, li pap beni yo.
6 Louwanj pou JewovaPaske li te koute m lè m te sipliye l pou m mande l sekou.
7 Jewova se fòs mwen+, li se boukliye m+.Mwen fè l konfyans ak tout kè m+.Li ede m e sa fè kè m kontan anpil.M ap chante pou m fè louwanj pou li.
8 Jewova se yon fòs pou pèp li a,E li tankou yon fòtrès kote moun li chwazi a ka ale pou l jwenn delivrans+.
9 Se pou w sove pèp ou a, se pou w beni eritaj ou a+.Montre w se bèje yo epi pote yo sou bra w pou toutan+.
Nòt anba paj
^ Oswa: “tonm”.
