Sòm 36:1-12
Pou moun k ap dirije mizisyen yo. Yon chante David, sèvitè Jewova a, te ekri.
36 Peche pale nan fon kè moun ki mechan an,E mechan an pa gen lakrentif pou Bondye+.
2 Paske, li kwè nan tèt li twòpPou l ta wè peche l la e pou l ta rayi l+.
3 Pawòl ki sot nan bouch li fè moun mal e se manti yo ye.Li pa gen bon konprann ankò pou l fè sa ki bon.
4 Menm lè l sou kabann li, l ap fè konplo.Li deside pou l fè sa k pa bon.Li refize vire do bay sa ki mal.
5 O Jewova, lanmou fidèl ou genyen an rive jis nan syèl la+,Fidelite w rive jis nan nyaj yo.
6 Jistis ou tankou gwo mòn yo*+,Lwa w yo tankou gwo dlo ki fon anpil+.Se ou menm ki fè moun ak bèt kontinye viv*, o Jewova+.
7 O Bondye, lanmou fidèl ou genyen an se gwo zafè+!Se anba zèl ouMoun pran refij+.
8 Yo bwè pi bon bagay ki nan kay ou a jiskaske yo satisfè+.Ou fè yo bwè pakèt bon bagay ou genyen yo+.
9 Se ou menm ki sous lavi a+.Se limyè ki soti nan ou ki ban nou limyè+.
10 Kontinye demontre lanmou fidèl ou genyen an pou moun ki konnen w yo+,Kontinye montre moun ki dwat yo jistis ou+.
11 Pa kite moun ki ògeye a mache sou mwen,Ni pa kite mechan an pouse m ak men l pou l fè m ale.
12 Mechan yo tonbe,Yo lage yo atè e yo pa ka leve+.
