Sòm 88:1-18
Yon melodi. Yon chante desandan Kore yo+ te konn chante. Pou moun k ap dirije mizisyen yo. Pou yo jwe nan stil Mahalat*. Se youn apre lòt pou gwoup yo chante pawòl yo. Yon maskil* Eman+, yon desandan Zera, te ekri.
88 O Jewova, Bondye delivrans mwen an+,Lajounen mwen rele w,Lannuit mwen vin devan w+.
2 Kite priyè m nan rive jwenn ou+.Panche zòrèy ou* pou w tande m lè m ap rele w pou m mande w sekou+.
3 Paske, nanm* mwen jwenn kont pwoblèm li+,E mwen sanlè desann nan Tonm*+.
4 Yo deja konte m pami moun k ap desann nan twou a*+.Mwen tounen yon moun ki pa gen moun ki pou ede l*+,
5 Yon moun yo lage nan mitan kadav,Yon moun yo touye ki kouche nan yon kavo,Yon moun ou pa sonje ankò,Yon moun ou pa pran swen ankò.
6 Ou mete m nan twou ki pi fon an,Kote ki fè nwa, nan yon gwo twou san fon.
7 Kòlè w ap peze sou mwen+,Ou frape m avèk gwo lanm lanmè w yo. (Sela)
8 Ou fè zanmi m yo ale byen lwen m+.Ou fè yo pa vle wè m.Mwen pran nan pyèj e m pa ka chape.
9 Je m vin fèb tèlman m ap soufri+.O Jewova, se tout lajounen m ap rele w+,M ap leve men m devan w pou m priye w.
10 Èske se pou moun ki mouri yo w ap fè mirak?Èske moun ki mouri yo ka leve pou yo fè louwanj pou ou+? (Sela)
11 Èske moun ki nan tonm yo ka fè konnen jan w gen yon lanmou ki fidèl?Èske moun ki kote mò yo tounen pousyè a* ka fè konnen jan w fidèl?
12 Èske moun ki nan fènwa yo ka konnen gwo mirak ou fè yo?Èske moun ki nan peyi moun yo bliye yo ka konnen jan w jis+?
13 Men, mwen kontinye rele w pou m mande w sekou, o Jewova+.Chak maten, priyè m monte devan w+.
14 O Jewova, poukisa w voye m* jete+?Poukisa w kache figi w pou mwen+?
15 Depi m toupitiM ap soufri e m ap pase toupre lanmò+.M fin depafini akoz tout move eksperyans ou kite m fè yo.
16 Ou an kòlè anpil e kòlè sa a twòp pou mwen+.Atak ou fè sou mwen yo fè m pè e yo fini avè m.
17 Se tout lajounen yo anvayi m tankou gwo dlo.Yo sot nan tout direksyon* e yo ansèkle m.
18 Ou fè zanmi m yo, konpayon m yo, rete lwen m+.Se fènwa ki tounen zanmi m.
Nòt anba paj
^ Gade Lis mo yo esplike yo.
^ Gade Lis mo yo esplike yo.
^ Oswa: “Bese”.
^ Gade Lis mo yo esplike yo.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Oswa: “Mwen tankou yon gason ki san fòs”.
^ Oswa: “nan tonm nan”.
^ Oswa: “ki nan Abadon yo”. Se pa yon kote ki egziste toutbon. Li klè y ap pale de lè moun mouri, kò yo dekonpoze, yo tounen pousyè e yo pa egziste ankò.
^ Oswa: “voye nanm mwen”.
^ Se kapab tou: “Yo tout vini yon sèl kou”.
