Miche 7:1-20
7 Ala traka pou mwen! Mwen vin tankou yon mounKi pa jwenn menm yon grap rezen pou l manje,Oswa yon moun ki anvi manje fig frans ki mi bonè, men ki pa jwenn menm younApre yo fin ranmase tout rès rezen ki te rete apre rekòt rezen an,E apre yo fin rekòlte fwi ki mi nan sezon ete yo.
2 Pa gen moun fidèl ankò sou tè a,Pa gen okenn moun ki dwat pami lèzòm+.Yo tout kache kò yo yon kote pou yo fè san koule+.Yo chak ap tann filè pou yo pran pwòp frè yo nan pyèj.
3 Yo fò nan fè sa ki mal ak men yo+.Chèf la ap fè egzijans,Jij la ap mande pou yo ba l yon bagay anba anba+,E moun ki gen gwo pozisyon an fè konnen sa l vle*+.Yo tout met tèt yo ansanm pou yo fè sa ki mal.
4 Moun ki pi bon nan mitan yo a tankou pikan,Moun ki pi dwat la pi rèd pase yon lantouray pikan.Jou gad yo* te anonse a, jou y ap* gen pou yo* rann kont lan ap vini+.Lè sa a, y ap panike+.
5 Pinga nou met konfyans nou nan zanmi.Menm bon zanmi nou nou pa dwe fè konfyans+.Veye sa n ap di moun ki kouche sou lestomak nou an.
6 Paske, pitit gason an meprize papa l,Pitit fi a leve kont manman l+,E bèlfi a kont bèlmè l+.Ènmi yon moun se pwòp moun lakay li+.
7 Men, kanta pou mwen, m ap kontinye ret tann Jewova+.M ap tann Bondye delivrans mwen an avèk pasyans+.Bondye m nan ap tande m+.
8 Pinga w kontan poutèt malè rive m, ou menm ènmi* mwen.Menmsi m tonbe, m ap leve.Menmsi m ap viv nan fènwa kounye a, Jewova ap yon limyè pou mwen.
9 M ap sipòte kòlè Jewova,Paske mwen peche kont li+.M ap sipòte jiskaske li defann kòz mwen e li fè m jwenn jistis.L ap fè m soti al nan limyè.M ap ka wè jistis li.
10 Ènmi m nan tou ap wè sa,E lawont ap tonbe sou li, li menm ki te di m:“Kot Jewova, Bondye w la+?”M ap wè sa k ap rive ènmi m nan ak je m.Lè sa a, y ap pilonnen l tankou labou ki atè nan lari.
11 Jou sa a se ap jou pou n konstwi miray an wòch nou yo.Lè jou sa a rive, y ap met fwontyè peyi a pi lwen*.
12 Lè jou sa a rive, moun ap sot toupatou pou yo vin jwenn ou.Y ap sot Asiri ak nan vil Ejip yo,Y ap soti nan tout zòn, depi Ejip rive nan Rivyè a*.Y ap sot nan yon lanmè rive nan yon lòt lanmè, sot nan yon mòn rive nan yon lòt mòn+.
13 Peyi a ap vin tankou yon dezè akoz moun ki abite ladan l yo,Akoz tout sa yo te fè yo*.
14 Pran swen pèp ou a ak baton w lan, pran swen twoupo ki se eritaj ou a+,Pèp ki t ap viv poukont li nan yon forè, kote yo plante pye fwi yo.Se pou w kite yo manje nan Bazan ak nan Galaad+ jan sa te konn fèt lontan.
15 “M ap montre nou anpil bèl bagay,Menm jan m te fè sa lè nou t ap kite peyi Ejip+.
16 Nasyon yo ap wè sa e y ap wont malgre yo gen anpil pisans+.Y ap met men yo sou bouch yo,E y ap vin soud.
17 Y ap manje pousyè menm jan ak sèpan+.Menm jan ak bèt ki rale sou vant ki sou tè a, y ap sot nan twou yo tou ap tranble.Y ap vin devan Jewova, Bondye nou an, tou pè.Vrèmanvre, y ap pè l+.”
18 Kiyès ki tankou w, o Bondye,Ou menm ki padone erè rès moun ki rete nan pèp ou a*+ e ki pase sou peche yo+?Ou pap rete an kòlè pou toutan.Paske, ou pran plezi pou w demontre yon lanmou ki fidèl+.
19 W ap gen pitye pou nou ankò+, w ap pote laviktwa sou* peche nou yo.W ap voye tout peche yo fè yo byen fon nan lanmè+.
20 W ap montre w fidèl ak Jakòb,W ap demontre lanmou fidèl ou genyen an pou Abraram,Jan w te pwomèt zansèt nou yo sa nan tan lontan+.
Nòt anba paj
^ Oswa: “sa nanm li anvi”.
^ Lit.: “pou w”.
^ Lit.: “jou w ap”.
^ Lit.: “gad ou yo”.
^ La a, nan lang ebre a, mo “ènmi” an se yon mo feminen.
^ Se kapab tou: “Lè jou sa a rive, dekrè a ap byen lwen”.
^ Anpalan de Rivyè Efrat.
^ Lit.: “Akoz fwi aksyon yo”.
^ Lit.: “rès eritaj ou a”.
^ Oswa: “w ap pilonnen”.
