Ki sa Bib la di?
Èske ap janm gen jistis sou tè a?
Èske w t ap di...
Wi?
Non?
Petèt?
Men sa Bib la di
“Mwen konnen Jewova ap defann malere yo e l ap fè pòv yo jwenn jistis.” (Sòm 140:12). Wayòm Bondye a pral fè gen bonjan jistis sou tè a.
Ki lòt bagay nou ka aprann nan Bib la?
Bondye wè tout enjistis ki gen nan monn nan jodi a e li pral ranje sa. — Eklezyas 5:8.
Grasa jistis Bondye pral mete a, pral gen lapè ak sekirite sou tè a. — Ezayi 32:16-18.
Èske gen gwoup moun Bondye bay plis enpòtans pase lòt?
Gen kèk moun ki kwè... Bondye beni kèk gwoup moun byen presi e li modi kèk lòt, alòske gen lòt moun ki kwè Bondye trete tout moun menm jan. E ou menm, ki sa w panse?
Men sa Bib la di
“Bondye pa gen patipri. Nan tout nasyon, yon moun ki gen lakrentif pou li e k ap pratike sa ki jis, moun sa a fè l plezi.” (Travay 10:34, 35). Nan je Bondye, tout moun egal.
Ki lòt bagay nou ka aprann nan Bib la?
Labib gen “yon bon nouvèl” pou “moun tout nasyon, tout tribi, tout lang ak tout pèp”. — Revelasyon 14:6.
Lòt sijè ki enteresan
REPONS BIB LA BAY
Èske se Bondye ki responsab soufrans nou?
Nenpòt moun ka soufri, menm moun ki gen favè Bondye yo. Sa k fè sa?
