Anvan w rive gade Tele JW sou Apple TV, w ap bezwen enstale Apple TV w la e enstale aplikasyon JW Broadcasting nan. Suiv etap ki pi ba yo pou w komanse:

•  Enstale Apple TV w la

•  Enstale Tele JW apati App Store

Apple TV w la ta dwe ba w enstriksyon k ap ede w enstale l epi konekte sou Entènèt. Lè Apple TV w la fin konekte, enstriksyon ki parèt sou ekran an ap pèmèt ou fin fè enstalasyon an.

Ale sou App Store, epi suiv etap ki pi ba yo pou w enstale aplikasyon JW Broadcasting nan:

• Glise dwèt ou Adwat sou ekran Remote Siri w la jiskaske l seleksyone Chèche.

• Peze sifas Touch la pou antre Chèche, epi itilize lèt alfabè yo ba w yo pou w ekri “JW Broadcasting”.

• Lòt sa w ka fè, ou kapab kenbe bouton Siri a epi w ka di: “JW Broadcasting”.

• Seleksyone Aplikasyon an epi peze sifas Touch la.

Suiv enstriksyon ki parèt sou ekran an pou w enstale aplikasyon an.