18 OKTÒB 2024
LARISI

“Jewova ap rekonpanse m”

FÈ L JWE

Tribinal distri Viselkovski, tèritwa Krasnoda, gen pou fè konnen desizyon l pran nan ka sè Vasilina Penskaya. Komisè gouvènman an poko fè konnen ki santans li vle yo ba li.

Enfòmasyon pèsonèl

Vasilina Penskaya

Dat ak kote l fèt: 1997 (Viselki)

Byografi: Li se yon chèf patisri

Se manman l ki te fè l pran kontak ak Temwen Jewova yo. Li te apresye prensip ki nan Bib la sou fason pou moun chwazi bon zanmi e l te batize an 2014.

Li marye ak Dmitry an 2018

Yo akize sè Yelena Rumyantseva, manman Vasilina, kòm kriminèl tou e yo ouvri yon dosye apa sou li.

Kòmantè li fè

Ki sa k ede w kenbe lafwa w nan Jewova djanm?

Lè yon moun jwenn pèsekisyon, sa ka fè l santi l poukont li, li ka santi l san sekou e l pa ka sipòte sitiyasyon an. M konnen si m ret konsantre sou santiman sa yo, sa ka dekouraje m epi fè m kòmanse bay aktivite espirityèl yo mwens enpòtans. Men, mwen fè yon eksperyans ak Jewova ki ban m fòs pou m kontinye. Jewova se yon Bondye ki bay sa nou fè pou li anpil valè. Li pa dwe m anyen, men li wè efò m fè pou m sèvi l e l ba yo valè. Li koute m lè m priye l e se kòmsi li siye dlo nan je m grasa pawòl konsolasyon m jwenn nan Pawòl li a. Lè m santi m pè, li pwoteje m e li soutni m pa mwayen frè ak sè yo. E lè m dwe pale pou m defann non l, li ban m fòs. Gen anpil sèvitè Jewova k ap sibi pèsekisyon. Se kapab nan lekòl, nan travay oswa menm lakay. M gen konfyans Jewova ap rekonpanse m e l ap rekonpanse tout moun ki rete fidèl yo.

Nou gen Jewova rekonesans lè n konnen li wè lè y ap pèsekite chak grenn sèvitè l e l ba yo asirans l ap ‘rekonpanse yo pou sa yo fè’. — Jeremi 31:16.

Sa k te pase

13 fevriye 2022

Yo fouye kay li.
23 me 2023

Yo ouvri yon dosye kriminèl sou li. Yo akize l paske l ap pale de Bib la e l patisipe anpè nan reyinyon Temwen Jewova yo. Yo bloke kont li gen labank.
18 jiyè 2023

Li pa ka deplase al kote l vle.
31 janvye 2024

Pwosè a kòmanse.

Gade tou

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL