“Voyez le bon pays” gen plizyè kat biblik ki kapab ede w fè rechèch an pwofondè nan Bib la. Bib la fè referans ak plizyè zòn, plizyè vil ak plizyè peyi. Lè w sèvi avèk kat sa yo, sa ap pèmèt lekti Labib ak etid pèsonèl ou vin pi enteresan. “Voyez le bon pays” ap ede w wè kote evènman yo pale de yo nan Bib la te pase. Epitou, l ap ede w konprann fason zòn sa yo te gen yon efè sou evènman yo.

“Voyez le bon pays” gen ladan l plizyè kat an koulè ak tablo sou zòn yo pale de yo nan Bib la. Li gen ladan l plizyè chema, kat yo fè ak òdinatè ak tout lòt kalite detay k ap pèmèt ou pwofite etid ou a plis toujou.

Kat biblik yo ap ede w:

• konprann tout deplasman Abraram, Izarak ak Jakòb te fè

• wè wout Izrayelit yo te fè lè yo te soti nan peyi Ejip pou y ale nan Peyi Bondye te pwomèt la

• wè kote Izrayelit yo te rete parapò ak nasyon ki te ènmi yo

• wè zòn Jezi te travèse yo pandan li t ap preche

• konprann gwosè zòn nasyon tankou Babilòn, Lagrès ak Wòm yo pale de yo nan Bib la te kontwole

Ou kapab jwenn bwochi sa a ki gen kat biblik sa yo gratis sou Bibliyotèk sou Entènèt.