Nan biwo filyal Temwen Jewova yo nan peyi Etazini gen jèn gason ak jèn fi ki bay fòs yo ak tan yo pou lave apeprè 1 800 tòn rad chak ane pou twa bilding nan Bwouklin, Patèsonn ak Wòlkil, nan Nouyòk. Se yon gwo kantite rad! Sa ki enteresan nan travay sa a, se tout diferan kalite bagay frè ak sè sa yo lave.

Chak jounen travay, moun ki rete nan bilding Betèl Etazini yo voye plis pase 11 000 rad nan biyandri Betèl la: 2 300 chemiz ak 650 pantalon, san konte chosèt, souvètman ak mayo. Epitou, yo voye 900 lòt atik nan dray.

Mete sou sa, yo resevwa yon pakèt atik ki fèt ak twal len tankou dra, sèvyèt ak lenn pou moun dòmi ansanm ak yon seri inifòm pou moun travay ak tòchon. Tout bagay sa yo bezwen lave, yo bezwen seche yo epi yo bezwen voye yo tounen bay mèt yo. Yo lave tòchon yo ansanm, men lòt atik tankou kravat ak chemiz ki fèt an swa, yo lave yo youn apre youn.

Frè ak sè kap travay nan biyandri a, tcheke rad ki chire oubyen bouton ki pèdi. Si yon bouton dwe ranplase, gen yon machin ki fè sa tousuit oubyen yo koud li ala men. Si gen yon gen rad ki bezwen repare oubyen yon ti chajman yon frè oswa yon sè ki vrèman konn koud rezoud pwoblèm nan.

Pou byen siveye 1 000 moso rad nan lòd, gen yon machin k ap met etikèt nan yo, yo chak gen yon nimewo kòd ladan l ki pèmèt rad yo soti tou pwòp, yo prese yo, epi yo pote yo nan chak chanm fanmi Betèl nan peyi etazini.

Moun ki fèk ap vin travay yo resevwa yon fòmasyon nan men moun ki gen plis eksperyans yo. Moun ki fèk vini yo te kapab aprann nan 20 asiyasyon diferan. Sanble travay senp konsa mande tan pou retire tach, travayè ki nouvo yo bezwen konn anpil bagay nan zafè fabrik ak nan kòman pou yo gen teknik nan fè plizyè tretman.

Men sa Tajh, ki t ap travay nan biyandri pou ennan edmi di de moun li t ap travay avèk yo a: “Se te yon bon anbyans, travay ak moun ki pa gen menm nivo bay kè kontan”. Men sa Shelly yon lòt travayè fè konnen: “Se yon bèl privilèj pou m ede fanmi Betèl la rete pwòp”.