Èske w dwe fè rezèvasyon alavans? Wi. Pou evite gen twòp moun nan vizit la e pou tout moun ka byen pwofite vizit la, nou mande tout vizitè yo pou yo fè rezèvasyon alavans, kèlkeswa kantite moun ki nan gwoup la.

Si w pa t fè rezèvasyon, èske w ap toujou kapab fè yon vizit? Si w pa t fè rezèvasyon, li posib pou w pa kapab fè vizit la. Akoz de espas la, se sèlman yon kantite moun limite ki kapab fè vizit nan jou ki gen vizit yo.

A ki lè ou dwe rive pou vizit ou a? Pou evite gen twòp moun nan espas la, pi bonè ou ka rive se inèdtan anvan lè rezèvasyon w lan.

Ki jan pou w fè rezèvasyon? Si gwoup ou a gen mwens pase 20 moun, klike sou “Fè yon rezèvasyon — Mwens pase 20 moun”. Si l gen plis pase 20 moun, klike sou “Fè yon rezèvasyon — 20 moun oswa plis.”

Èske w ka chanje yon rezèvasyon oswa w ka anile l? Wi. Klike sou “Gade oswa chanje rezèvasyon.”

E si pa gen vizit disponib nan dat ou chwazi a? Ou dwe toujou ap verifye sit la, paske anpil rezèvasyon konn chanje oswa anile.

Wòwik

1 Kings Dr.

TUXEDO PARK, NY 10987

ETAZINI

+1 845-524-3000

Kèk travay nou fè

Vizit ou kapab fè poukont ou

1. Bib la ak Non Bondye. Nan ekspozisyon sa a, yo ekspoze Bib moun pa wè fasil e yo esplike ki jan yo te prezève non Bondye nan Ekriti yo, malgre tout efò moun te fè pou elimine non sa a. Mete sou sa, gen yon lòt pati nan ekspozisyon an kote yo ekspoze kèk lòt Bib moun pa wè fasil ansanm ak kèk materyèl ki gen rapò ak Bib la.

2. Yon pèp pou non Jewova. Nan ekspozisyon sa a, yo montre anpil bagay ki gen rapò ak eritaj espirityèl Temwen Jewova yo. Gen ansyen bagay, foto ak byografi ki ede n wè ki jan tikras pa tikras Jewova te gide, anseye epi òganize pèp li a pou yo fè volonte l.

3. Syèj mondyal — Lafwa te pouse yo aji. Ekspozisyon sa a, ki fèt yon fason pou w patisipe ladan l, esplike travay diferan komite Kolèj santral la ap fè ak fason yo ede Temwen Jewova yo suiv konsèy Bib la bay pou yo reyini ansanm, pou yo etidye Bib la, pou yo anseye lòt moun, e pou yo demontre lanmou youn pou lòt.

Vizit ak yon gid

Nan vizit sa a, w ap wè bilding ki gen biwo yo ak pwopriyete Wòwik la.

Telechaje yon feyè vizit

Patèsonn

100 Watchtower Dr. (2891 Route 22)

PATTERSON, NY 12563

ETAZINI

+1 845-306-1000

Kèk travay nou fè

Nou fè desen pou piblikasyon nou yo e nou fè anrejistreman odyo ak videyo. Nan vizit la, w ap wè yon prezantasyon sou tout lekòl biblik nou fè isit la.

Telechaje yon feyè vizit

Wòlkil

900 Red Mills Rd.

WALLKILL, NY 12589

ETAZINI

+1 845-744-6000

Kèk travay nou fè

Chak ane, nou enprime plis pase 25 milyon piblikasyon ki baze sou Bib la. Nou voye piblikasyon nan filyal toupatou sou tè a nan plis pase 360 lang ak nan plis pase 15 000 kongregasyon Temwen Jewova ki Ozetazini, Kanada, ak nan Karayib la.

Telechaje yon feyè vizit