Առակներ 21։1-31
21 Թագավորի սիրտը Եհովայի ձեռքում ջրի հոսքի պես է.+
Ուր որ ուզում է, այնտեղ էլ ուղղում է այն:+
2 Մարդու աչքին իր բոլոր ճանապարհները ճիշտ են,+Բայց Եհովան քննում է սրտերը:*+
3 Ճիշտ ու արդար գործերը զոհերից հաճելի են Եհովային:+
4 Գոռոզ աչքերը և մեծամիտ սիրտըՉարագործներին առաջնորդող ճրագ են: Այդ ամենը մեղք է:+
5 Ջանասեր մարդու ծրագրերը հաջողությամբ են պսակվում,+Բայց բոլոր շտապողներին աղքատություն է սպասում:+
6 Խաբեությամբ ձեռք բերված գանձերըՆման են անհետացող մշուշի, մահացու որոգայթի:*+
7 Չարագործների բռնությունը կկործանի իրենց,+Քանի որ չեն ցանկանում արդար վարվել:
8 Մեղավոր մարդու ճանապարհը ծուռ է,Բայց մաքուր մարդու գործերն արդար են:+
9 Ավելի լավ է տանիքի վրա մի անկյունում ապրել,Քան կռվարար* կնոջ հետ մի տան մեջ:+
10 Չարագործը չարիք է տենչում:+
Նա կարեկցանք չունի իր դրացու հանդեպ:+
11 Երբ ծաղրողը պատժվում է, անփորձը ավելի իմաստուն է դառնում,Եվ երբ իմաստունը խորությամբ քննում է հարցերը, հասկանում է, թե ինչպես վարվել:*+
12 Արդարը* ուշադիր նայում է չարագործի տանը.
Նա կործանման է մատնում նրան:+
13 Ով որ փակում է ականջը, որ չլսի խեղճի աղերսանքը,Ինքն էլ կկանչի և պատասխան չի ստանա:+
14 Գաղտնի տրված նվերը հանդարտեցնում է բարկությունը,+Եվ թաքուն տրված կաշառքը՝ կատաղի ցասումը:
15 Արդարի համար արդար վարվելը ուրախություն է,+Բայց չարագործների համար դա անելը անտանելի է:
16 Այն մարդը, ով մոլորվում է խոհեմության ճանապարհից,Անզոր մեռելների կողքին կհանգչի:+
17 Զվարճություն* սիրողը կաղքատանա,+Գինի և յուղ սիրող մարդը չի հարստանա:
18 Չարագործը փրկագին է արդարի համար,Եվ անհավատարիմը կվերցվի ուղղամիտի փոխարեն:+
19 Ավելի լավ է անապատում ապրել,Քան կռվարար ու դյուրագրգիռ կնոջ հետ:+
20 Թանկարժեք գանձն ու յուղը իմաստունի տանն են,+Բայց հիմարը վատնում է իր ունեցածը:+
21 Արդարության ու հավատարիմ սիրո հետամուտ լինողըԿյանք, արդարություն և փառք կգտնի:+
22 Իմաստունը կարող է գրավել զորեղ մարդկանց քաղաքըԵվ նրանց զրկել զորությունից, որի վրա հույս են դնում:+
23 Նա, ով զսպում է իր լեզուն ու բերանը,Իրեն հեռու է պահում խնդիրներից:+
24 Հանդուգն և մեծամիտ գլուխգովան են կոչում այն մարդուն,Ով անշրջահայաց է ու անպատկառ:+
25 Ծույլի փափագը նրան մահվան կտանի,Քանի որ նա չի ցանկանում մատը մատին տալ:+
26 Ողջ օրը նա ագահորեն ինչ-որ բան է փափագում,Իսկ արդարը տալիս է և ոչինչ չի խնայում:+
27 Չարագործի զոհը գարշելի է,+Հատկապես, երբ նա չար մտադրությամբ* է այն մատուցում:
28 Ստախոս վկան կկործանվի,+Բայց ով իր լսածի մասին է վկայում, հաջողություն կունենա:
29 Չարագործն իրեն ինքնավստահ է պահում,+Բայց ուղղամիտներն են հաստատուն ճանապարհով գնում:+
30 Ընդդեմ Եհովայի չկա ո՛չ իմաստություն, ո՛չ խորաթափանցություն, ո՛չ էլ խորհուրդ:+
31 Ձիուն պատրաստում են ճակատամարտի համար,+Բայց փրկությունը Եհովայից է:+
Ծանոթագրություններ
^ Կամ՝ «մղումները»:
^ Կամ հնարավոր է՝ «մահ փնտրողների համար»:
^ Կամ՝ «փնթփնթան»:
^ Կամ՝ «գիտելիք է ձեռք բերում»:
^ Այսինքն՝ Աստված:
^ Կամ՝ «Հաճույքներ»:
^ Կամ՝ «ամոթալի վարք դրսևորելով»:
