Եսայիա 43։1-28
43 Ահա թե ինչ է ասում Եհովան՝Քո Արարիչը, ո՛վ Հակոբ,Քեզ Կազմավորողը, ո՛վ Իսրայել.+
«Մի՛ վախեցիր, որովհետև ես փրկագնել եմ քեզ,+Քեզ անունով եմ կանչում: Դու իմն ես:
2 Երբ ջրերի միջով անցնես, ես քեզ հետ կլինեմ,+Երբ գետեր անցնես, դրանք քեզ չեն խորտակի,+Երբ գնաս կրակի միջով, չես այրվի, բոցը քեզ չի խանձի,
3 Որովհետև ես Եհովան եմ՝ քո Աստվածը,Իսրայելի Սուրբը, քո Փրկիչը:
Ես որպես փրկագին քեզ համար տվել եմ Եգիպտոսը,Քո դիմաց տվել եմ Եթովպիան ու Սեբան:
4 Դու թանկ ես իմ աչքում,+Ես քեզ սիրում եմ և պատվարժան համարում:+
Ուստի քո դիմաց ես մարդկանց կտամ,Կյանքդ փրկելու համար ազգեր կտամ:
5 Մի՛ վախեցիր, որովհետև ես քեզ հետ եմ:+
Քո սերնդին կբերեմ արևելքից,Քեզ կհավաքեմ արևմուտքից:+
6 Հյուսիսին կասեմ՝ «Տո՛ւր նրանց»,+Հարավին կասեմ՝ «Նրանց քեզ մոտ մի՛ պահիր:
Հեռուներից հետ բեր իմ որդիներին,Երկրի ծայրերից բեր իմ դուստրերին,+
7 Բոլոր նրանց, ովքեր իմ անունն են կրում,+Ում իմ փառքի համար եմ արարել,Ում ստեղծել եմ ու կազմավորել»:+
8 Բերեք այդ ժողովրդին, որը թեև աչքեր ունի, բայց կույր է,Ականջներ ունի, բայց խուլ է:+
9 Թող բոլոր ազգերը հավաքվեն,Թող ժողովուրդները մեկտեղ խմբվեն:+
Նրանց աստվածներից* ո՞ր մեկը կարող է այսպիսի բաներ ասել:
Կարո՞ղ են առաջիկայում կատարվելիք բաների մասին հայտնել:+
Թող իրենց ճիշտ լինելը փաստելու համար վկաներ բերեն,Որ նրանք լսեն ու ասեն՝ «Ճիշտ է»»:+
10 «Դուք իմ վկաներն եք,+– ասում է Եհովան,–Այո՛, իմ ծառան, որին ընտրել եմ,+Ընտրել եմ, որ ճանաչեք ու հավատաք* ինձԵվ հասկանաք, որ ես միշտ նույնն եմ:+
Ինձնից առաջ ոչ մի Աստված գոյություն չի ունեցել,Ինձնից հետո էլ չի հայտնվել:+
11 Ես, հենց ես եմ Եհովան,+Ինձնից բացի ուրիշ փրկիչ չկա»:+
12 «Ես էի, որ նախապես ազդարարեցի, փրկեցի ձեզ և դա հայտնի դարձրի:
Այդ ժամանակ ձեր մեջ օտար աստված չկար:+
Այնպես որ դուք իմ վկաներն եք,– ասում է Եհովան,– որ ես եմ Աստված:+
13 Ես միշտ նույնն եմ,+Ոչ ոք չի կարող իմ ձեռքից մի բան խլել:+
Երբ ես գործեմ, ո՞վ կարող է ինձ կանգնեցնել»:+
14 Եհովան՝ ձեզ Փրկագնողը,+ Իսրայելի Սուրբը,+ ասում է.
«Հանուն ձեզ՝ ես զորք կուղարկեմ Բաբելոն և դարպասների նիգերը* կկոտրեմ,+Քաղդեացիներին կտապալեմ իրենց նավերում, և նրանք աղիողորմ լաց կլինեն:+
15 Ես Եհովան եմ՝ ձեր Սուրբը,+ Իսրայելի Արարիչը,+ ձեր Թագավորը»:+
16 Ահա թե ինչ է ասում Եհովան՝Նա, ով ճանապարհ է բացում ծովի միջով,Ուղի է հարթում փոթորկալից ջրերի միջով,+
17 Նա, ով դուրս է հանում մարտակառքերն ու ձիերը,+Հանում է զորքն ու զորավոր ռազմիկներին և ասում.
«Նրանք կընկնեն ու վեր չեն կենա,+Այրվող պատրույգի պես կհանգցվեն ու կմարեն»:
18 «Նախկին բաները մի՛ հիշեք,Անցյալի մասին շարունակ մի՛ մտածեք:
19 Ահա ես նոր բան եմ անում:+
Այն արդեն իսկ կատարվում է.
Մի՞թե չեք տեսնում:
Ես անապատի միջով ճանապարհ կգցեմ,+Անջուր վայրերում գետեր կբխեցնեմ:+
20 Ինձ կփառաբանեն վայրի կենդանիները,Շնագայլերն ու ջայլամները,Քանի որ ես ջուր կհոսեցնեմ անապատում,Գետեր՝ անջուր վայրերում,+Որ խմի իմ ժողովուրդը՝ իմ ընտրյալը՝+
21 Այն ժողովուրդը, որին կազմավորել եմ ինձ համար,Որ հռչակի գովաբանության արժանի իմ գործերը:+
22 Բայց դու չդիմեցիր ինձ, ո՛վ Հակոբ,+Որովհետև հոգնեցիր ինձնից, ո՛վ Իսրայել:+
23 Դու ինձ ողջակեզի համար ոչխարներ չբերեցիր,Քո զոհերով ինձ չփառաբանեցիր:
Ես չստիպեցի, որ ինձ նվեր բերես,Կնդրուկ* պահանջելով՝ չհոգնեցրի քեզ:+
24 Դու փող չծախսեցիր, որ ինձ համար քաղցրաբույր խնկեղեգ գնես,Քո զոհերի ճարպով ինձ չկշտացրիր:+
Ընդհակառակը, քո մեղքերով ինձ համար բեռ դարձարԵվ քո հանցանքներով ինձ հոգնեցրիր:+
25 Ես, հենց ես եմ ջնջում քո օրինազանցությունները*+ հանուն իմ անվան,+Ես չեմ հիշելու քո մեղքերը:+
26 Եկ իրար դեմ դատի դուրս գանք:
Եթե մի բան եմ մոռացել, հիշեցրու ինձ,Բեր քո փաստարկները, որպեսզի ապացուցես, որ ճիշտ ես:
27 Քո առաջին նախահայրը մեղք գործեց,Քո առաջնորդները* ապստամբեցին իմ դեմ:+
28 Դրա համար էլ սուրբ վայրի իշխաններին* անմաքուր կհամարեմ,Հակոբին կործանման կդատապարտեմ,Իսրայելին անարգանքի առարկա կդարձնեմ»:+
Ծանոթագրություններ
^ Բռց.՝ «Նրանցից»:
^ Կամ՝ «վստահեք»:
^ Փայտե կամ երկաթե ձող՝ դռան հետևից գցելու և այն փակելու համար:
^ Մի քանի արևադարձային ծառերից ստացվող անուշահոտ խեժ:
^ Կամ՝ «ըմբոստ արարքները»:
^ Հավանաբար, խոսքը Օրենքի ուսուցիչների մասին է:
^ Ըստ ամենայնի, խոսքը տաճարում ծառայող քահանաների մասին է, ովքեր իրենց իշխանների պես էին պահում:
