Այսօր քաղաքավարությունը հետզհետե հազվագյուտ երևույթ է դառնում։ Կոպիտ պացիենտները բղավում են բժիշկների վրա։ Ռեստորանների անհարգալից այցելուները փնովում են մատուցողներին։ Անկարգապահ ուղևորներն ընդդիմանում են ինքնաթիռի անձնակազմի ցուցումներին։ Անկարգ երեխաները ծաղրում են, սպառնում ուսուցիչներին և հարձակվում նրանց վրա։ Իսկ որոշ քաղաքական գործիչներ ներքաշվում են սկանդալային պատմությունների մեջ, մինչդեռ մյուս գործիչները փորձում են ի ցույց դնել սեփական քաղաքավարությունը։

 Աստվածաշունչը քաղաքավարի վարք սահմանող վստահելի ուղեցույց է։ Այն նաև բացատրում է, թե այսօր մարդիկ ինչու են զուրկ քաղաքավարությունից։

 Քաղաքավարությունը՝ բարեկիրթ, բարոյական և ընդունելի վարքը, ամբողջ աշխարհում կտրուկ անկում է ապրում։

•   Վերջերս «Գալապ» ընկերության անցկացրած հարցումը պարզ դարձրեց, որ ըստ ամերիկացիների՝ Միացյալ Նահանգներում բարոյական արժեքները վերջին 22 տարիների ընթացքում այսքան ցածր մակարդակի վրա չեն եղել։

•   Մեկ այլ հարցման ժամանակ 28 երկրներից 32 000 մասնակիցների 65 տոկոսը նշեց, որ երբեք քաղաքավարության այսքան համատարած բացակայություն չի տեսել։

 Աստվածաշունչը կանխագուշակել է մերօրյա հասարակության նման պահվածքը.

•   «Վերջին օրերում չափազանց դժվար ժամանակներ են լինելու, որովհետև մարդիկ կլինեն անձնասեր, փողասեր, մեծամիտ, գոռոզ, հայհոյող, ծնողներին անհնազանդ, անշնորհակալ.... բնական կապվածություն չունեցող.... [և] դաժան» (2 Տիմոթեոս 3։1-3)։

 Ավելին իմացեք այն մասին, թե այս մարգարեությունն ինչպես է կատարվում այսօր՝ ընթերցելով «Աստվածաշնչում կանխագուշակվե՞լ է ժամանակակից մարդկանց մտածելակերպի ու վարվելակերպի մասին» հոդվածը։

 Քաղաքավարության անկում ապրող այս աշխարհում միլիոնավոր մարդիկ համոզվել են, որ Աստվածաշունչը լավ վարքի հիասքանչ ուղեցույց է։ Բարեկրթության վերաբերյալ դրա խորհուրդները «ճշմարտությամբ և ազնվությամբ են սահմանված» (Սաղմոս 111։8)։ Ահա մի քանի օրինակ.

•   Ինչ է ասում Աստվածաշունչը. «Այն, ինչ ուզում եք, որ մարդիկ ձեզ անեն, նույնը դուք արեք նրանց» (Մատթեոս 7։12)։

   Նշանակությունը: Պետք է ուրիշների հանդեպ բարի ու հարգալից լինենք, ճիշտ ինչպես կուզեինք մեզ վերաբերվեին։

•   Ինչ է ասում Աստվածաշունչը. «Հիմա, երբ արդեն ձեր վրայից հանել եք ստությունը, ամեն մեկդ ճշմարտությունը խոսեք ձեր մերձավորի հետ» (Եփեսացիներ 4։25)։

   Նշանակությունը: Մեր բոլոր խոսքերում և գործերում պետք է ազնիվ լինենք։

 Այս թեմայի վերաբերյալ հավելյալ տեղեկությունների համար կարող եք ընթերցել հետևյալը.

•   «Ճի՞շտ, թե՞ սխալ. կա՞ հուսալի ուղեցույց» վերնագրով «Դիտարան» պարբերագիրը։

•   «Հանդուրժողականություն. Աստվածաշունչն ինչպե՞ս կարող է օգնել» հոդվածը։