2021 թ.-ին Բելգիայում ընդհանուր առմամբ 49 040 մարդ է նշել Հիշատակի երեկոն, որը Եհովայի վկաների համար տարվա ամենակարևոր միջոցառումն է։ 1995 թ.-ից հետո այդպիսի բարձր ցուցանիշ դեռ չէր գրանցվել։ Այդ թիվը երկրում եղած Վկաների գրեթե կրկնապատիկն է։

Այս թիվը ուշագրավ է այն առումով, որ վերջին տարիներին Բելգիայում դժվար է գտնել կրոնասեր մարդկանց։ Օրինակ՝ 1970 թ.-ին բելգիացիների ավելի քան 90 տոկոսը իրեն քրիստոնյա էր համարում, և միայն 6 տոկոսից մի փոքր ավելին էր, որ ոչ մի կրոնի չէր պատկանում։ Իսկ ըստ վերջին տվյալների՝ Բելգիայում բնակչության մոտ 60 տոկոսն է իրեն քրիստոնյա համարում, իսկ ոչ մի կրոնի չպատկանող մարդկանց թիվը անցել է 40 տոկոսը։

Վերջին տարիներին ԶԼՄ-ները կեղծ տեղեկություններ են ներկայացնում Եհովայի վկաների մասին։ Չնայած դրան՝ մեծ թվով մարդիկ ճշմարտությունն են փնտրում Եհովայի վկաների մասին։ Նրանցից շատերն անձամբ են համոզվել, թե ինչպիսի սեր է տիրում Եհովայի վկաների մեջ, և թե Աստվածաշունչն ինչ դրական ազդեցություն է ունեցել իրենց կյանքի վրա (Հովհաննես 13:35):

2021 թ. փետրվարին Բելգիայում Եհովայի վկաների մասնաճյուղը հայտնեց Աստվածաշունչ ուսումնասիրողների բարձրագույն թվի մասին՝ 11 804, որը մոտ 1 000-ով գերազանցում էր նախորդ տարվա միջին ցուցանիշը։ Վերջին հինգ տարիների ընթացքում տարեկան միջինը 450 հոգի է մկրտվել։

Բելգիայում գրանցված այս բարձր ցուցանիշները այն բազմաթիվ փաստերից մի քանիսն են, որոնք ցույց են տալիս հետևյալ մարգարեության կատարումը. «Քիչը հազար կդառնա, ու ամենափոքրը՝ հզոր ազգ։ Ես՝ Եհովաս, կարագացնեմ դա իր ժամանակին» (Եսայիա 60։22)։