Hapo Mukuru u nomana yengapi?
Eziriro okuza mOmbeibela
Mukuru u nena re omuini rapeke. Oro mOtjiheberi ri tjangwa omuano mbwi יהוה nu mOtjiingirisa ri tjangwa kutja “Jehovah”. a Okupitira momuprofete Jesaja, Mukuru wa tja: “Owami Jehova. Indo ena randje.” (Jesaja 42:8 NW) Ena ndi rimunika ape povikando 7 000 mOmatjangwa omakuru wOmbeibela okukapita omana warwe wondjozikiro wa Mukuru poo ena rarwe ngamwa romundu. b
Hapo pe nomana warwe wa Jehova
Nandarire kutja Ombeibela i tja Mukuru u nena re omuini, oyo i ungurisa omaisaneno omengi wondjozikiro nge hungira ohunga novikaṋena vye. Imba ma pe kongorere omaisaneno wondjozikiro ngu maye raisa ongaro novikaṋena vya Jehova
Omaisaneno wondjozikiro |
Ondjivisiro yokomurungu |
Omaheero |
|---|---|---|
Allah |
(Katunayo) |
Embo ndi “Allah” ra za kOtjiarabic oro kana ra “Mukuru” nungwari ena rondjozikiro. Ombeibela mOtjiarabic na momaraka warwe i ungurisa embo ndi “Allah” tji ma i hee “Mukuru.” |
Omunamasaaehe |
U nomasa nga kapita avihe. Embo rOtjiheberi ndi ʼEl Shad·daiʹ, ndi ma ri hee “Ndjambi Omunamasaaehe,” ri munika povikando hambombari mOmbeibela. |
|
Alfa na Omega |
“Omutenga nOmusenina,” poo “Ombutiro nOndjandero,” omambo ngo ma ye hee kutja ka pa ri Mukuru Omunamasaaehe komurungu wa Jehova nu kamaa pekakara warwe. (Jesaja 43:10) Alfa na Omega embo etenga nesenina momambo woalphabet wOtjigrike. |
|
Ingwi ngwa kurupire tjinene |
Eye ke nombutiro, nu wa kara ko rukuru komurungu woviṋa avihe ngunda avi hi ya kara ko.—Psalm 90:2. |
|
Omuute |
Eye wa mema oviṋa avihe. |
|
Tate |
Ongwe tupa omuinyo. |
|
Mukuru |
Mukuru ongwa sokurikotamenwa. Embo rOtjiheberi ndi ʼElo·himʹ ri kamburira mo oviṋa ovingi, mbi raisa omasa, ounanḓengu, poo ousemba wa Jehova. |
|
Mukuru wokombanda yoomukuru varwe |
Omukuru wokombanda, ‘yoomukuru vovisenginina’ ku ku rikotamena ovandu tjiva.—Jesaja 2:8. |
|
Omuhonge omunene |
Eye u yandja omahongero omasemba nu u urika ondjira.—Jesaja 48:17, 18. |
|
Omuute omunene |
Wa uta oviṋa avihe.—Omavandururiro 4:11. |
|
Omukuru omuwa omumanisa |
Ngu tjiukirwa kenyando nondjoroka.—Epsalme 104:31. |
|
U zuvira ozongumbiro |
Eye u puratena kongumbiro aihe ndji mai kumbwa kuye mongamburiro. |
|
Ami owAmi ngwi ngu mbi ri Ami |
Mukuru u rira otjiṋa ngamwa atjihe tji matji heperwa po okuyenenisa ombango ye. Omaheero ngo wina ya torokwa kutja “Ami me rire otjiṋa ngamwa tji mevanga” poo “Ami me rire otjiṋa ngamwa tji mbatoorora.” (The Emphasised Bible, by J. B. Rotherham; New World Translation) Omaheero ngo ye vatera okukahurura ena ra Mukuru Jehova, otja tji mari kahururwa mezeva ndi.—Eksodus 3:15. |
|
Omunaukoze |
Kavanga okurarakana omerikotameneno we kuna kaaṋi. Omaheero ngo wina ya torokwa kutja “eye ke ri yandjere otjirarakaneno kuna kaaṋi” nu “u tjiukwa otja ngu vanga ovandu kutja ve rikotamene kuye erike.”—Embo ra Mukuru Ombeibela; New World Translation. |
|
Ombara yaaruhe |
Ouhona we kau nombutiro nondjandero. |
|
Muhona |
Omuini woviṋa poo omuhona; mOtjiheberi o ʼA·dhohnʹ na ʼAdho·nimʹ. |
|
Muhona Zebaot |
Ovaroma 9:29, EEP |
Omunane wotjimbumba otjinene tjovaengeli. Omaisaneno wondjozikiro nga “Muhona Zebaot” wina ye heya kutja “Muhona, Omunamasaaehe,” poo wotjimbumba tjovita. |
Muhona wOkombandambanda |
Eye u noruveze rOkombandambanda. |
|
Omuyapukeyapuke |
Omuyapukeyapuke povandu avehe. |
|
Omuungure wozonyungu. |
U nouvara kombanda yovandu nomihoko, tjimuna omuungure wozonyungu tje nouvara okuungurisa omunoko otja pu mavanga.—Ovaroma 9:20, 21. |
|
Omuyame |
Wa yama ovandu kouvi nonḓiro okupitira motjisuta tjonguturiro tja Jesus Kristus.—Johanes 3:16. |
|
Oruuwa |
Eye omaundiro nondjamo yetu. |
|
Omuyame |
U yama ovandu koumba nonyoneno. |
|
Omurise |
U rikendera kovakarere ve. |
|
Muhona, Ndjambi |
U nouvara kombanda yoviṋa avihe; mOtjiheberi o ʼAdho·naiʹ. |
|
WokOmbandambanda |
U nouvara auhe. |
Omana wotuveze mOmatjangwa wOtjiheberi
Omana tjiva wotuveze mOmbeibela ya rukwirwa kena ra Mukuru, posi yokutja kamana we.
Ongwaye tji matu sokutjiwa nokuungurisa ena ra Mukuru
Mukuru u muna kutja ena re Jehova enanḓengu, mena rokutja eye we ritjanga mOmbeibela povikando ovingi.—Maleaki 1:11.
Omuna wa Mukuru Jesus, waṋunisa ounanḓengu wena ra Mukuru povikando ovingi. Otjotjihorera, eye wa kumba ku Jehova kutja: “Ena roye ngari yapurwe.”—Mateus 6:9; Johanes 17:6.
Imba mbe uta okutjiwa nokuungurisa ena ra Mukuru ve uta okutunga oupanga kuna ye. (Epsalme 9:10; Maleaki 3:16) Oupanga otja imbo u tjita kutja ve mune ouwa momakwizikiro wa Mukuru nga: “Opu me zu okumuvatera; me mu tongamisa kombanda, orondu tji ma tjiua ena randje.”—Epsalme 91:14 EEP.
Ombeibela i tja nandi pa kara imba mbu ku za: “oomukuru”, kutja omeyuru poo okombanda yehi,-nu nandarire kutja pe na “oomukuru” ovengi “novahona” ovengi. (1 Ovakorinte 8:5, 6) Nandarire nao oyo i raisa oukahu kutja pe na Mukuru umwe ngu nena ndi Jehova.—Epsalme 83:19 EEP.
a Ovakonḓonone tjiva wOvaheberi ve vanga kutja ena ra Mukuru ri i sanewe “Yahweh”.
b Omaisaneno omasupi wena ra Mukuru nga, “Jah,” ye munika mOmbeibela ape povikando 50 nu ye kamburira mo omaisaneno nge ri membo ndi “Hallelujah,” poo “Alleluia,” nge heya “Tangeye Jah.”—Omavandururiro 19:1; American Standard Version; King James Version.
Mo yenene okutara ku imbi wina
OMAZIRIRO KOMAPURIRO WOMBEIBELA
Hapo Jehova owaṋi?
Hapo eye oMukuru wovandu tjiva uriri tjimuna Ovaisrael?
ESSENTIAL BIBLE TEACHINGS
Hapo Mukuru u nena?
Mukuru u nomaisaneno omengi wondjozikiro tjimuna Omunamasaaehe, Omuute na Muhona. Posi yokutja ena raMukuru aari ungurisiwa povikando ape 7 000 mOmbeibela.
OHUNGA NA EṰE
Ningira omahongero wOmbeibela wotjari
Hungirira kepuriro rOmbeibela, poo rihonga ovingi ohunga nOvahongonone va Jehova.