Mokambo nga “See the Good Land” mu na ovikarata vyomahi nge ri mOmbeibela mbi mavi ku vatera okuzuva Ombeibela oukoto. MOmbeibela mu na omana womahi, otuveze novihuro ovingi. Mokuungurisa ovikarata vyehi mbi, mavi ku vatera okutjita kutja omalesero nomakonḓononeno woye wOmbeibela ye rire omanamuinyo. Okambo nga “See the Good Land” make ku vatere okumuna nokutjiwa kutja ovitjitwa vyovandu mOmbeibela vya tjitirwa pi. Wina make ku vatere okumuna kutja omakonḓononeno ohunga nouye ye ṱuna vi kovitjitwa vyOmbeibela.

Okambo nga “See the Good Land” mu na ovikarata vyehi mbi novivara notuveze pekepeke tu tu ri mOmbeibela. Wina mu na ozodiagrama, oviperendero vyomahi mbya perendwa nokombiuta, noviuṋe yarwe mbi mavi ku vatere okutjita kutja omakonḓononeno woye wOmbeibela ye rire omatjate.

Ovikarata vyehi vyOmbeibela mbi, mavi ku vatere

• okuzuva nawa kutja Abraham, Isak, na Jakob va ryanga momahi yeṋe

• okutara ondjira Ovaisrael ndji va toora indu tjaa ve zu moEngipite okuyenda kEhi Ekwizikwa

• okusasaneka omaturiro wOvaisrael ku na inga wovanavita na wo

• okutara otuveze Jesus maa ryanga motjiungura tje tjokuzuvarisa

• okutara kounene wotuveze twaa tu honaparerwa po i yoBabion, oGreece, noRoma

Mo yenene okuungurisa ovikarata vyehi yOmbeibela vyotjiingirisa otjari.