Ouhona wa Mukuru otjikeṋa?
Ove otjo tja . . .
-
otjiṋa tji tji ri momutima woye?
-
ohoromende yomeyuru?
-
poo otjiṋa tjarwe?
OMBEIBELA MAI TJA
“Moruveze ndwi ovanane mbo ngunda amave honapara, Ndjambi weyuru ma ziki ouhona mbu hi na indu maau yanda ko.”—Daniel 2:44.
“Twa pewa omuna. Neye ma rire omuhongore wetu.”—Jesaja 9:6.
ONDJIVIRO NDJI MAI KU VATERE VI?
-
Ohoromende ndji mai ku vatere kourike woye.—Jesaja 48:17, 18.
-
Mouye oupe mbu mau ya, mo kakara nehupo ewa ndi hi nomitjise.—Omavandururiro 21:3, 4.
MATU YENENE OKUKAMBURA MOMBEIBELA TJIRI?
Ii tjinene, mena romapu yevari nga:
-
Jesus wa raisa kutja Ouhona wa Mukuru mau yenenisa tjike. Jesus wa honga ovemukongorere okukumbira Ouhona wa Mukuru kutja u ye nokutja ombango ya Mukuru i tjitwe kombanda yehi. (Mateus 6:9, 10) Jesus wa raisa kutja ongumbiro ndjo mai zirwa vi.
Indu Jesus tja ri kombanda yehi eye wa parura ovanandjara, wa verura ovavere na pendura ovaṱi! (Mateus 15:29-38; Johanes 11:38-44) OtjOmbara yOuhona wa Mukuru yoruyaveze, Jesus wa raisa kutja Ouhona mau kayenenisa tjike mena raimba mbu mave riwisa kehi yOuhona mbwi.—Omavandururiro 11:15.
-
Ozongaro mouye ze raisa kutja Ouhona wa Mukuru u ri pokuya. Jesus wa kwizika kutja ngunda Ouhona au hi ya eta ohange kombanda yehi, ouye wetu mau ura novita, ondjara nomanyinganyingiro wehi.—Mateus 24:3, 7.
Oviṋa mbi ndino tu vi muna. Okutja matu yenene okukara nongamburiro kutja Ouhona wa Mukuru mau yekuyandisa omauzeu ayehe nga kombanda yehi moruveze rwatjimanga.
RIPURIRA KU IMBI
Ehupo mari kakara vi kehi yOuhona wa Mukuru?
Ombeibela mai ziri epuriro ndo mEPSALME 37:29; JESAJA 65:21-23.
Mo yenene okutara ku imbi wina
ESSENTIAL BIBLE TEACHINGS
Ouhona waMukuru otjikeṋa?
Motjiungura tje tjokuzuvarisa kombanda yehi, Jesus aa hongo ohunga nOuhona waMukuru okukapita omapu warwe. Momaserewondo omengi, ovandu ve kumbira ouhona mbo okuya.
ORUHUNGU
Ouhona wa Mukuru mau yenenisa ye?
Jesus aa tjiwa kutja Ouhona wa Mukuru oohoromende aiyerike ndji mai yenene okuisapo omauzeu kombanda yehi. Otjikeṋa Ouhona mbo mbu wa yenenisa mbi mavi kurisa ongamburiro yetu?
OHUNGA NA EṰE
Ongwaye tji mo sokurihonga Ombeibela?
Ombeibela i vatera ovandu omangete omengi mouye auhe okumuna omaziriro komapuriro omananḓengu mehupo. Ove wina mo vanga okumuna omaziriro komapuriro omananḓengu mehupo poo indee?
OMAHONGERO WOMBEIBELA
Rora omerihongero wetu wOmbeibela
Muna omerihongero wOmbeibela wotjari pu nomundu ngu me ku hongo.
