Rumwe mombura, Ovahongonone va Jehova mouye auhe nomangete wovandu ovengi mbu va ṋanga ve woronganena pamwe okuzemburuka onḓiro ya Jesus, otja pe ve rakiza. (Lukas 22:19) Otjitjitwa hi tji tu vatera okumuna ounanḓengu wokutja ongwaye Jesus tja yandja omuinyo we kovandu. Otjo wina matji tu vatere okumuna kutja ombunguhiro ye mai tu vatere vi nai na moruyaveze.—Johanes 3:16.

 Kutja mo ya kOmazemburukiro wonḓiro ya Jesus ombura ndji poo indee, omomuano uṋe ombunguhiro yonḓiro ya Jesus mu mai yenene okukuvatera? Jesus we tu honga kutja matu sokutjita oviṋa vivari ovinanḓengu mbi:

1.  1. Okurihonga ohunga na Mukuru na Jesus. Jesus wa kumba ku Ihe womeyuru na tja: “Nomuinyo waaruhe okwo ngwi okutja owo ve tjiwe Ove, ngu u ri Ndjambi watjiri, nokutja ve tjiwe Jesus Kristus ngu wa hinda.”—Johanes 17:3.

2.  2. Ṱakamisa imbi mbi mo rihongo. Jesus wa ṋunisa kutja matu sokuṱakamisa oviṋa mbi matu rihongo mehupo retu. Otjotjihorera, tja mana okuzuvarisa kombanda yondundu wa raera ovandu avehe kutja: ‘Puratene komambo wandje nu kare nonḓuviro ku wo.’ (Lukas 6:46-48) Eye wina wa tja: “Nambano eṋe mbu mwa tjiwa otjiṋa hi, oweṋe ovaṋingandu tji mwe tji yenenisa!”—Johanes 13:17.

 Hapo ove mo vanga okurihonga ovingi ohunga na Mukuru na Jesus? Mo vanga ondunge ndji mai ku vatere okuṱakamisa imbi mbi mo rihongo? Ondjivisiro ndji mai kongorera kehi mba mai ku vatere okutjita nao:

 Omahongero wetu wOmbeibela wotjari ye vatera ovandu ovengi okukonḓonona Ombeibela nokuṱakamisa imbi mbi mave rihongo mehupo rawo.

•   Kavarure omukuma mbwi Omerihongero wOmbeibela pu nomundu ngu me ku vatere, kutja u rihonge ovingi ohunga noprograma yetu yomahongero wOmbeibela.

•   Okumuna kutja omahongero wOmbeibela ku nOvahongonone va Jehova ye kayendisiwa vi, tarera okavidio nga Mo yakurwa komerihongero woye wOmbeibela.

 Ovahongonone va Jehova ve kara nozombongarero zombongo povikando vivari motjivike, poruveze ndu isanewa kutja Etuwo rOmerikotameneno. Pozombongarero nḓa, eṱe tu konḓonona Ombeibela nomuano mu matu yenene okuṱakamisa omahongero wayo mehupo retu.

 Ove ko nokuhepa okurira umwe wOvahongonone va Jehova okuyenda kozombongarero nḓa. Ovandu avehe mave ṋangwa okuya ku zo. Otja korukondwa mu u ri, ove mo yenene okuyenda kozombongarero zombongo pEtuwo rOmerikotameneno poo okuhitira mo-zoom.

•   Okutjiwa kutja pozombongarero nḓa pe tjitwa tjike, tarera okavidio nga PEtuwo rOmerikotameneno pe tjitwa tjike?

•   Okumuna ombongo popezu na ove, twende korupa ndwi Ohunga nozombongarero zombongo zOvahongonone va Jehova.

 Omambo nouvidio mbu ri morungovi ndwi mau yenene okukuvatera okutjiwa omahongero wa Jesus nounanḓengu wombunguhiro yonḓiro ye.

 Otjotjihorera, okutjiwa kutja omomuano uṋe onḓiro yomundu umwe mu mai yenene okuvatera omangete omengi wovandu, lesa orupa ndwi “Jesus Saves—How?” na indwi ““Why Did Jesus Suffer and Die?” poo tarera okavidio nga Omena ratjike Jesus tja ṱa?