Omayuva tji ya ri 24 ku Februari 2022, ozoiri zomuhuka orupa rwovita rwa Russia rwa uta okurwisa oUkraine, nandarire kutja ovanane vouye va kondja okuvetjaera. Hapo ovita mbi mape ya avi ṱunu kouye? Omutjangere po omunene wOmihoko Omikutasane António Guterres, wa tja nai omayuva nga nga pita: “Ovita mbi mavi eta omauzeu nonyoneno kovandu, nu mavi ṱunu kondjeverero yomahi wa Europa, na komahi warwe mouye.”

•   Jesus Kristus wa hunganeka oruveze indu “otjiwaṋa tjimwe matji sekamene otjiwaṋa otjikwao, nouhona umwe au rwisa ouhona oukwao.” (Mateus 24:7) Okumuna omuano Ombeibela mu i raisa kutja ovita ndino vi yenenisa omaprofetero wa Jesus ngo, lesa orupa ndwi, “What Is the Sign of ‘the Last Days,’ or ‘End Times’?”

•   Embo rOmavandururiro ri hungira ohunga novita mbi kuramenwa po i yomukavire wokakambe “okaserandu pyu,” ngwa pewa ouvara ‘wokuisa po ohange kombanda yehi.’ (Omavandururiro 6:4) Okumuna omuano omaprofetero ngo mu ye hungira ohunga novita ndino, lesa orupa ndwi, “The Four Horsemen—Who Are They?”

•   Embo ra Daniel ra hunganeka ovanavita vevari “ombara yokomanene wehi” ‘nombara yokomamuho wehi.’ (Daniel 11:25-45, NW) Tarera okavidio nga Fulfilled Prophecy—Daniel Chapter 11 u rihonge kutja ongwaye oRussia na imba mbe yandja oruvara ku yo tji i ri ombara yokomanene wehi. a

•   Omavandururiro wina ye hungira ohunga ‘novita mEyuva enene raNdjambi, Omunamasaaehe.’ (Omavandururiro 16:14, 16) Imbi kavita vyopokati koviwaṋa tjimuna mbi matu munu nai. Okumuna ondjivisiro ohunga notjitjitwa tjoruyaveze ho lesa orupa ndwi, “What Is the Battle of Armageddon?”

•   Ombeibela i tja Mukuru ma “yandisa ovita mouye auhe.” (Epsalme 46:9) Okurihonga ovingi ohunga noruyaveze Mukuru ndwa kwizika lesa orupa ndwi, “A Real Hope for a Better Tomorrow”.

•   Jesus wa honga ovemukongorere okukumba kutja, Ouhona wa Mukuru u ye. (Mateus 6:9, 10) Nu Ouhona mbo ohoromende yomeyuru ndji mai yenenisa ombando ya Mukuru kombanda yehi, nu ombango ya Mukuru mai kamburire mo ohange mouye. Okutjiwa kutja Ouhona mbo mau ku etere ouwa waye, tarera okavidio nga “Ouhona waMukuru otjikeṋa?”

 Mu na Ovahongonone va Jehova vokombanda 129 000 mba tura moUkraine. Tjimuna Ovahongonone va Jehova momahi warwe, owo mave horere ku Jesus mokuhinokukara norupa moviṋa vyopolotika, nokupanḓa okukara norupa movita. (Johanes 18:36) Mouye auhe Ovahongonone va Jehova mave kayenda komurungu okuzuvarisa “Ombuze Ombwa yOuhona” otjotjizengurure komauzeu wovandu ngu mamu kamburire mo ovita. (Mateus 24:14) Eṱe matu ku ṋanga okuhakaena ku na eṱe okurihonga ovingi ohunga nombuze yOmbeibela ndja tjama nomaundjiro.