1 | Ongumbiro—“Omerikendero weṋu aehe yumbeye kombanda Ye”
OMBEIBELA I TJA: “Omerikendero weṋu aehe yumbeye kombanda [ya Mukuru], Eye tjinga e mu pa imbi mbi mwa hepa.”—1 PETRUS 5:7.
Etjangwa ndi mari hee ye?
Jehova Mukuru me tu ṋanga okuhungira ku na ye ohunga nomerikendero nge ri mouripura wetu na momitima vyetu. (Epsalme 55:22) Matu yenene okukumba nandarire kutja ouzeu ounene poo ouṱiṱi. Indu otjiṋa tji tji ri otjinanḓengu kweṱe, otjo otjinanḓengu ku Jehova. Ihi omena rokutja Jehova Mukuru u rikendera kweṱe nokutja u tjiwa omuano mbu tu fula. Okukumba ku ye otjiṋa otjinanḓengu mena rokutja tu yenena okumuna ohange.—Ovafilipi 4:6, 7.
Omomuano uṋe okuṱakamisa etjangwa ndi mu maku tu vatere?
Indu tji matu kondjo nouveruke mouripura, eṱe mape ya atu rimunu ourike. Kaaruhe ovandu varwe tji ve tjiwa oviṋa mbi matu tuurunga mo. (Omiano 14:10) Posi ya indu tji matu raere Mukuru mongumbiro omuano mu matu fula, eye aruhe u puratena kweṱe norusuvero nu u tu zuva nawa. Jehova u tjiwa omuano mu tu kondja nomihihamo vyetu neye u vanga kutja eṱe tu kumbe ku ye ohunga notjiṋa atjihe tji matji tu kendisa.—2 Ekuruhungi 6:29, 30.
Okuhungira ku na Jehova mongumbiro ku kurisa ongamburiro yetu yokutja eye u rikendera kweṱe. Eṱe matu yenene okukara noumune tjimuna womutjange wEpsalme, ngwa kumba kutja: “Tjinga awa tara kondjenda yandje, nu awa tjiwa ombamisiro yandje.” (Epsalme 31:7) Okutjiwa kutja Jehova u tara koviṋa mbi tu kondja na vyo, ku tu vatera okukayenda komurungu okutuurunga omauzeu. Posi yokutja, eye ka tara komauzeu wetu uriri, nungwari u rikendera kweṱe kombanda yanao. Eye u tjiwa oviṋa mbi tu tuurunga mo okukapita omundu warwe, nu u tu vatera kutja tu mune omahuhumiṋino nomayanḓiparisiro okuza mOmbeibela.
Mo yenene okutara ku imbi wina
ORUHUNGU
Omomiano viṋe mu mo sokukumba kutja u zuvirwe?
Mo yenene okuhungira kuna Mukuru oruveze noiri ngamwa aihe nu nandarire momutima. Jesus we tu vatera okutjiwa kutja ovikwaye mbi matu yenene okukumbira.
ESSENTIAL BIBLE TEACHINGS
Hapo Mukuru u puratena kozongumbiro azehe?
Hapo tjike indu ongumbiro yomundu tji ma i raisa ongaro yokuripurira ku ye omuini? Nu tjike indu omurumendu tje tjinda omukazendu we navi, nu okuzambo a kumbu ku Mukuru?
OMAPURIRO OMITANDA NGU VE PURA
Omena raye tji me sokukumba?
Hapo ongumbiro otjiṋa tji tji ndji wisa omuinyo pehi, poo otjiṋa tjarwe otjinene?
ORUHUNGU
Hapo Mukuru u zuvira ozongumbiro zetu?
Ombeibela i tupa ongamburiro kutja Mukuru u puratena kozongumbiro zetu indu tji matu kumbu otja kombango ye.
OHUNGA NA EṰE
Ningira omahongero wOmbeibela wotjari
Hungirira kepuriro rOmbeibela, poo rihonga ovingi ohunga nOvahongonone va Jehova.
