Hapo Ovahongonone va Jehova Ovakriste?
Ii. Oweṱe Ovakriste mena romapu ngu maye kongorere mba:
Tu kondja okukongorera omahongero nongaro ya Jesus Kristus popezu.—1 Petrus 2:21.
Tu kambura kutja Jesus ongu ri ondjamo “nu kape na ena rarwe nda yandjewa kovandu kombanda yehi arihe Ndjambi me vanga kutja a rire mu twa kuturwa.”—Oviungura 4:12.
Indu ovandu tji va rire Ovahongonone va Jehova, ve papitisiwa mena ra Jesus.—Mateus 28:18, 19.
Eṱe tu kumba okupitira mena ra Jesus.—Johanes 15:16.
Eṱe tu kambura kutja Jesus ongu ri otjiuru tjomurumendu auhe.—1 Ovakorinte 11:3.
Posi ya eṱe twa panguka tjinene kozongamburiro zarwe nḓe riisana kutja Ovakriste. Otjotjihorera, tu kambura kutja Jesus Omuna wa Mukuru nu kavetatu mu umwe. (Markus 12:29) Katu kambura kutja omuinyo womundu u hupa kombunda yonḓiro, nu kape nEtjangwa ndi raisa kutja Mukuru u tatumisa ovandu motjovasengwa nga aruhe, poo kutja imba mbe hongorera po mozongamburiro mave sokukara notjihako tji matji tjiti kutja ve kare nouvara kombanda yavarwe.—Omuzuvarise 9:5; Esekiel 18:4; Mateus 23:8-10.
Mo yenene okutara ku imbi wina
OMAPURIRO NGE PURWA i yovandu OVENGI
Ongwaye Ovahongonone va Jehova tji ve ha ungurisa otjikoroise momerikotameneno wawo?
Nandarire kutja oweṱe Ovakriste, eṱe katu ungurisa otjikoroise momerikotameneno wetu. Omena raye?
OHUNGA NA EṰE
Ongwaye tji mo sokurihonga Ombeibela?
Ombeibela i vatera ovandu omangete omengi mouye auhe okumuna omaziriro komapuriro omananḓengu mehupo. Ove wina mo vanga okumuna omaziriro komapuriro omananḓengu mehupo poo indee?
OHUNGA NA EṰE
Ningira omahongero wOmbeibela wotjari
Hungirira kepuriro rOmbeibela, poo rihonga ovingi ohunga nOvahongonone va Jehova.