Kena 19 Januari 2021, siti kot ba Turkmenistan ngumbai Menyadi Ihlosbek Rozmetov besalah. Ketegal iya enggai nyadi soldadu, iya deka dijil pengelama dua taun ba rumah jil ti dijaga enggau terit. Tu meh kali kedua iya dijil ketegal mengkang neutral.

Ihlosbek Rozmetov

• Ada: 1997 (Andalib)

• Biograpi: Iya bisi dua iku menyadi. Ngambika nulung melanja diri sebilik, lebuh iya beumur 10 taun iya berengkah gawa pengdah pulai ari sekula. Iya rindu main sukan, macha bup sereta ningaka musik. Kena taun 2010 indai iya berengkah belajarka Bup Kudus, lalu setaun udah nya iya pan belabuh belajar

Kena 11 Julai 2018, kot nganjung Ihlosbek Rozmetov ngagai kem pengawa berat Seydi ketegal iya enggai nyadi soldadi. Umur iya 20 taun maya nya. Iya dibibaska pengudah setaun. Nitihka undang-undang Turkmenistan, iya ulih diukum dua kali ketegal nulak pengawa soldadu.

Kena 25 November 2020, Ihlosbek dikangau baru nyadi soldadu. Enggau basa iya nerangka pasal utai ke dipechaya iya. Taja pia, piak ti bedawa ngepunka kes jenayah ngelaban iya, lalu ketegal tu kali kedua iya dipechara laban enggai nyadi soldadu, iya diberi ukum ti panjai agi ari ke suba.

Ihlosbek madahka, keterubah kali iya dijil nya “balat tusah.” Utai ke nulung iya betan iya nya ayat Bup Kudus ke dibacha enggau dikingatka iya sebedau tama rumah jil. Ihlosbek bulih mayuh penguntung ari belematika ayat Pilipi 4:6, 7. Ayat nya ngingatka iya “anang irauka utai,” lalu besampi minta ‘pemaik Petara’ sereta ngetanka pengelantang ba maya ti ngirauka ati. Ku iya madah: “Maya napi penusah nya aku seruran besampi ngagai Jehovah, lalu aku ngasaika Iya semak enggau aku.”

Kitai andalka Jehovah deka terus ngeringka Ihlosbek sereta semua sida ke arapka Iya.—Isaiah 40:29-31.