PELAJAR 5
Bah Besai—Sapa Ngasi? Sapa Enda?
Mayuh orang ngereja utai jai maya Noah kelia. Pemungkal 6:5
Adam seduai Hawa nyau bisi anak, lalu mensia ba dunya majak mayuh. Maya nya mega, sekeda melikat nitihka Sitan ngelaban Petara.
Bala melikat ti jai datai ke dunya ngena tubuh mensia ngambika sida ulih jadi enggau indu mensia. Lalu bala indu nya ngadaka anak gerasi ti mangah sereta kering.
Dunya penuh enggau orang ti jai. Bup Kudus madah mensia ba dunya majak jai. Runding sida penuh enggau utai ti jai.
Noah ngasika Petara lalu ngaga siti bandung ti besai. Pemungkal 6:13, 14, 18, 19, 22
Noah nya seiku orang ti manah. Jehovah madah ngagai Noah Iya deka ngapuska orang ti jai ngena bah besai.
Petara ngasuh Noah ngaga bandung ti besai. Noah mega diasuh mai sida sebilik sereta semua bansa jelu ngena bandung besai nya.
Noah madah ngagai orang pasal Bah ti ka datai, tang sida enda ngasi. Sekeda orang ketawaka Noah; sekeda begedika ia.
Udah bandung besai nya tembu, Noah mai bala jelu tama.
