Mayuh orang berunding pasal pemerintah ke deka dipilih sida.

 Nama utai ti dipadah Bup Kudus pasal tu?

 Bup Kudus madah pasal tatak pemerintah mensia.

•   “Anang ngarapka tuai mensia. Nadai mensia ulih nulung kita. Lebuh sida mati, sida pulai baru ngagai tanah. Nya meh maya semua pelan sida lesap.”—Masmur 146:3, 4.

 Indah pemerintah mensia ke ngereja pengawa sida enggau manah, nyau kelama deka nadai. Pia mega, sida enda ulih jamin pemerintah ke entudi sida deka neruska pengawa tauka pelan sida.—Pengajar 2:18, 19.

 Iya ke amat, Bup Kudus madah mensia enda digaga kena merintah diri empu.

•   “Nadai siku kami bisi kuasa ngatur pengidup diri. Nadai siku kami bisi kuasa atas seput diri empu.”—Jeremiah 10:23.

 Kati bisi pemerintah ti manah kemayaharitu?

 Bup Kudus madah Petara udah milih pemerintah ke ngereja pengawa iya enggau manah sereta ke ulih dipechaya: Jesus Kristus. (Masmur 2:6) Jesus nya raja ba Perintah Petara. Iya merintah ari serega.—Matthew 6:10.

 Kati nuan deka nerima Jesus nyadi pemerintah? Bup Kudus madahka kebuah tanya tu amat penting:

•   “Bebasa meh ke anak Iya [Jesus Kristus], enggai ke Petara ringat lalu kita mati enggau ngenyit, laban Iya jampat ringat. Gaga ati meh sida ke belindung ba Iya.”—Masmur 2:12, NWT.

 Tu meh maya iya nuan patut ngaga pemutus. Jaku benabi Bup Kudus madah Jesus udah berengkah merintah kena taun 1914, lalu enda lama da agi Perintah Petara deka nganti perintah mensia.—Daniel 2:44.

 Kena nemu mayuh agi pasal baka ni nuan ulih nyukung Jesus nyadi pemerintah, bacha artikel “Sukung meh Perintah Petara Diatu!”