Laman web tu disediaka kena nulung nuan belajar mayuh agi pasal Petara, Bup Kudus enggau Saksi-Saksi Jehovah. Bacha, meda sereta download utai ti dikerinduka nuan. Kami deka orang bukai bulih penguntung ari laman web tu, nyadi anang ngena baru isi ba laman web tu ba laman web tauka aplikasi ke bukai. Nuan ulih bekunsi utai ke dipelajar enggau madahka pasal laman web tu baka ke dipadah ba Syarat Ngena tu.

•  Kuasa Nyelak

•  Chap Dagang

•  Syarat Ngena sereta Lisin Ngena Laman Web

•  Begian Berubat

•  Nadai Jamin enggau Tatak Liabiliti

•  Ngelanggar Syarat Ngena

•  Mayuh Bengkah

•  Ukum enggau Undang-Undang

•  Penerit

•  Sempekat Penuh

© 2024 Watch Tower Bible and Tract Society of Pennsylvania. Kuasa ngeluar dijaga.

Laman Web tu digaga sereta dijaga Watchtower Bible and Tract Society of New York, Inc. (“Watchtower”). Enti nadai dipadah, semua leka jaku enggau penerang bukai ba laman web tu, diempu Watch Tower Bible and Tract Society of Pennsylvania (“Watch Tower”).

Adobe, logo Adobe, Acrobat enggau logo Acrobat nya chap dagang ke diempu Adobe Systems Incorporated. Apple, iTunes enggau iPod nya chap dagang ke diempu Apple Inc. Microsoft, logo Microsoft enggau semua software sereta perengka Microsoft nyengkaum Microsoft Office enggau Microsoft Office 365, nya chap dagang ke diempu Microsoft Inc. Semua chap dagang ke bukai diempu tiap-tiap pengeluar barang nya.

Syarat Ngena tu patut dititihka maya nuan ngena laman web tu. Enggau ngena laman web tu, nuan nerima Syarat Ngena tu, nyengkaum Syarat Ngena ke Bukai (ke semua, “Syarat Ngena”) ke ditulis ba laman web tu enggau naka ulih. Enti nuan enda setuju nitihka Syarat Ngena tu tauka sekeda ari Syarat Ngena tu, nuan enda tau ngena laman web tu.

Chara ngena enggau betul. Nitihka syarat ti udah diletakka ba baruh tu, nuan ulih:

• Meda, download sereta nyelak asil lukis Watch Tower, litaricha elektronik, musik, gambar, teks tauka video ari laman web tu kena diri empu aja sereta ukai kena ba pengawa dagang.

• Bekunsika link tauka salin elektronik litaricha, video sereta audio ke ulih didownload ari laman web tu.

Nuan enda ulih:

• Ngengkahka asil lukis, litaricha elektronik, chap dagang, musik, gambar, video tauka artikel ari laman web tu ba Internet (sebarang laman web, laman bekunsi fail tauka media rama).

• Nganjung asil lukis, litaricha elektronik, chap dagang, musik, gambar, teks tauka video ari laman web tu ngena aplikasi software (nyengkaum upload material tu ngagai server ke dikena aplikasi software).

• Ngaga baru, niru, ngupi tauka ngena utai dalam laman web tu baka asil lukis, litaricha elektronik, chap dagang, musik, gambar, teks tauka video kena tuju bedagang tauka ngulihka duit (taja pan nadai ngasilka untung).

• Ngaga kena tuju nyadung, sebarang aplikasi tauka perengka kena ngulih, ngupi, download, nyeraraka, tauka ngambi data, HTML, gambar tauka teks ari laman web tu. (Tu enda nagang pengawa nyadung aplikasi pechuma sereta ukai kena bedagang ti digaga kena download fail elektronik baka EPUB, PDF, MP3, sereta fail MP4 ari laman web ke orang mayuh.)

• Salah guna laman web tauka utai dalam laman nya, baka ngachau tauka masuk ngagai laman web tauka utai ba dalam laman nya enda ngena chara ti udah disediaka.

• Ngena laman web tu enggau sebarang chara ti ngasuh iya rusak, sereta enda ulih dikena tauka enda ulih dimasuk; tauka ngelanggar ukum enda dikemendar ngakal tauka ngemedis tauka bekaul enggau pengawa ngelanggar ukum, enda dikemendar, ngakal, tauka tuju sereta pengawa ti tau ngemedis.

• Ngena laman web tu tauka asil lukis, litaricha elektronik, chap dagang, musik, gambar, teks tauka video kena tuju bedagang.

• Laman web tu ngena perkhidmatan Google Maps, reti nya perkhidmatan piak ti ketiga ke ukai di baruh jaga kami. Lebuh nuan ngena laman web tu, di baruh perkhidmatan Google Maps, nuan patut nitihka syarat ngena ti udah ditetapka ba Google Maps/Google Earth. Kami nadai dipadahka pasal syarat tu. Nya alai, nuan patut meda syarat nya ba Syarat Ngena ke dipadahka ba perkhidmatan Google Maps/Google Earth sebedau nuan ngena Google Maps. Enti nuan enda nerima Syarat Ngena nya, anang ngena perkhidmatan Google Maps. Google Maps nadai meri penerang pasal data pengguna ngagai laman web tu.

Isi ba begian berubat laman web tu (“Begian Berubat”) semina ke penerang aja lalu ukai jaku lalau chara berubat, tauka nganti jaku lalau chara berubat ari pakar berubat, diagnosis tauka chara berubat. Begian Berubat enda nyukung sebarang peresa, lutur, ubat, chara berubat, penemu tauka penerang bukai ke engka disebut ba Begian Berubat.

Seruran ngiga penemu ari lutur tauka orang ke landik nyaga pengerai enti nuan bisi tanya pasal penyakit tauka chara berubat.

Laman web tu enggau naka ulih nyediaka penerang ti betul sereta baru ba Begian Berubat. Taja pia, penerang ke ditemu ari Begian Berubat disediaka “BAKA KE UDAH DITULIS” ke nadai jamin, ditulis enggau terang tauka enda terang. Laman web tu enda ngaku semua jamin ti ditulis enggau terang sereta enda terang ba Begian Berubat nyengkaum, tang ukai semina ba jamin ke ditulis enggau enda terang ba pekara ke ulih dikena ba pengawa dagang tauka ba nama-nama tuju. Laman web tu enda meri jamin nama-nama penerang ke diulih ngena Begian Berubat nya ngena, betul, ngena ba maya ti patut, beguna tauka chukup. Laman web tu enda nerima tanggungjawap enti bisi penerang ti salah tauka dibuai ari isi Begian Berubat. Endang tanggungjawap nuan enti nuan bepanggai enggau penerang ba Begian Berubat. Laman web tu enda nerima tanggungjawap enti bisi ganti rugi tauka pengerugi (nyengkaum, nadai tatak, pengerugi ti enda disadang enggau enda nyengala, bakal/pemati, lenyau untung tauka pengerugi ketegal lenyau data tauka penanggul ba pengawa dagang) asil ketegal ngena tauka enda ulih ngena Begian Berubat, sekalika ganti rugi tauka pengerugi bepelasarka jamin, kontrak, tort, tauka teori undang-undang ke bukai sekalika laman web tu dipadah pasal ganti rugi tauka pengerugi ke engka nyadi.

Laman web tu sereta semua penerang, isi, material enggau servis ti disedia ke nuan nengah laman web tu disediaka Watchtower “baka ke udah ditulis”. Watchtower enda meri jamin ke sebarang utai nyengkaum ti diterangka tauka enda diterangka.

Watchtower enda nyamin laman web tu bibas ari virus tauka utai bukai ti ulih nganu. Watchtower enda megai tanggungjawap enti bisi pengerusak ke nyadi ketegal servis, tauka ari penerang, isi, material tauka servis ti disedia ke nuan nengah laman web, nyengkaum, tang ukai semina ngagai pengerusak ti nyengala tauka enda nyengala (nyengkaum lenyau untung), enda disadang enggau punitive.

Enggau enda bebagi ati ngagai hak Watchtower bekaul enggau Syarat Ngena, enti nuan ngelanggar Syarat Ngena enggau sebarang chara, Watchtower engka deka ngereja tu ngagai nuan, baka enda ngemendarka tauka nagang nuan masuk ngagai laman web nya, nyekat alamat IP komputer nuan ari masuk laman web nya, madah ngagai kompeni ke nyediaka servis Internet kena nyekat nuan masuk laman web nya sereta/tauka nawa nuan.

Watchtower engka ngubah Syarat Ngena tu. Syarat Ngena ke baru deka dikena ba litaricha laman web tu berengkah ari haribulan Syarat Ngena nya diubah. Peresa meh laman web tu selalu kena nentuka nuan nemu versi ke baru.

Syarat Ngena tu patut dikena nitihka undang-undang nengeri New York, A.S., enda ngira iya belaban enggau undang-undang bukai. Sebarang undang-undang ke bekaul enggau Syarat Ngena tu patut dibai ngagai kot nengeri tauka perintah besai ke bisi undang-undang ba nengeri New York, A.S.

Enti Syarat Ngena ke disedia enda sah, enda ulih dipejalaika, tauka enda diterima undang-undang kot ke dikemendarka, syarat ke bukai deka dikena. Enti Watchtower nadai bejalaika undang-undang Syarat Ngena, ukai reti iya undang-undang nya enda ulih dipejalaika.

Syarat Ngena tu nyadi sempekat entara nuan enggau Watchtower bekaul enggau chara nuan ngena laman web tu lalu nganti semua sempekat ke udah digaga dulu bekaul enggau nuan ke ngena laman web tu.