ƐLĀ Ō NWU ƆMƐ 53

Fu Aɔdā Nɛ A Géē Bi Le Jɔɔnyɛ Iyi Uwɔ Nōo Géē He Ujehofa Ɔtu

GBƆƆ

Ujehofa wɛ ‘Ɔwɔico ku eeye.’ (1 Utímōti 1:11) Ó dɔka ku alɔ yɔ i gweeye klla jɔɔnyɛ oyeeyi ku alɔ. Ó gē gweeye nɛhi eko duuma nɛ alɔ le eko taajɛ ku alɔ mlɛnyɔ ŋma uklɔ ku alɔ. Ipu ɛlā ō nwu nyā, alɔ géē má ɛgɛ nɛ alɔ géē bi eko omlɛnyɔ ɛgɔɔma le jɔɔnyɛ iyi alɔ lɔɔlɔhi nōo klla géē he Ujehofa ɔtu a.

1. Ɔdi nɛ alɔ cika ō blakwu ɔ eko duuma nɛ alɔ yɔ i fu aɔdā ō bi le jɔɔnyɛ iyi alɔ a?

Eko duuma nɛ a yɔ i mlɛnyɔ, ɔdi nɛ a gē dɔka ō ya? Ācɛ ōhī gē dɔka ō bi eko omlɛnyɔ ku uwa le yɔ ɔlɛ cii yɔ i jé ɔkpá, jahɔ tu ijé, má auvidio amāŋ yɔ i gā ipu intanɛti. Ācɛ ɔhá kē i jɔɔnyɛ eko omlɛnyɔ ku uwa fiyɛ ɔdaŋ kéē yɔ mla aɔkpa ku uwa yɔ i ce ɛgɛlɛ, tangwa amāŋ yɔ i ta uvidio game. Ɔdā duuma nɛ alɔ fu ō bi le jɔɔnyɛ iyi alɔ a, ó cɛgbá ku alɔ le jé kpɔcii kóō wɛ “ɔdā nōo he Óndú ā ɔtū.” (Ācɛ Ɛ́fēsɔsi 5:10) Ó cɛgbá ku alɔ jɛyi ɛlā nyā ohigbu ku aɔdā ō bi le jɔɔnyɛ iyi ɔcɛ alɛwa icɛ lɛ ō ya mla aɔdā nōó he Ujehofa ɔtu ŋ, aodee bɛɛka unu ō nu, uce ku aja ō gbo amāŋ imabɔ ō ya. (Jé Aíjē Kú Ɛ̄gbā 11:5.) Ɔdi gáā tu alɔ abɔ ō bi ijeeyi le fu aɔdā ō bi le jɔɔnyɛ iyi alɔ a?

Ɔdaŋ ku alɔ fu aɔkpa nōo yihɔtu ku Ujehofa, ó géē lɛ abɔ kwu alɔ iyē mla aɔdā ō bi le jɔɔnyɛ iyi alɔ nɛ alɔ gē fu a. Ɛgɛ nɛ alɔ jé ŋma ɛlā ō nwu ɔmɛ ofu ɛpa ce ahata a, “ɔ̄cɛ nōo gē yɛ mla ācɛ ojéeyī ā, géē jééyī.” Abɔ ɔhá ku nu, ɔdaŋ ku alɔ gē yɛ mla ācɛ nōó yihɔtu aíne ku Ɔwɔico ŋ ojigogo, alɔ “géē je gbilífi.”—Aíita 13:20.

2. Ɔdiya nōó cɛgbá ku alɔ bēē leyi kwɛɛcɛ lɛyikwu eko nɛ alɔ gē le taajɛ lɛ aɔdā ō bi le jɔɔnyɛ iyi alɔ a?

Naana nɛ aɔdā nɛ alɔ fu ō bi le jɔɔnyɛ iyi alɔ a i lɔfu wɛ ɔdā nōo géē biya ɛma ku alɔ mla Ujehofa ŋ ma, ó cɛgbá ku alɔ leyi kwɛɛcɛ lɛyikwu ɛdɔ eko nɛ alɔ gē le taajɛ lɛ ɔ a. Ɔdaŋ ku alɔ i leyi kwɛɛcɛ ŋ, alɔ i lɔfu le eko lɛ aɔdā nōo cɛgbá fiyɛ duu a gɛ ŋ. Ubáyíbu tu alɔ ɔtu kwu ɔtu ku alɔ “bī ɛga nɛ̄ [alɔ] lɛ ā le yúklɔ́ olɔhi.”—Jé Ācɛ Ɛ́fēsɔsi 5:15, 16.

JÉ GƆBU

Nwu ɛgɛ nɛ a géē ya ōmiya olɔhi lɛyikwu ɛgɛ nɛ a géē fu aɔdā olɔhi ō bi le jɔɔnyɛ iyi uwɔ a.

3. Habɔ aɔdā ō bi le jɔɔnyɛ iyi alɔ nōo bɔbi a ta

Ɔdiya nɛ alɔ cika ō leyi kwɛɛcɛ lɛyikwu ō fu aɔdā ō bi le jɔɔnyɛ iyi alɔ a? Lɛ UVIDIO nyā mafu, cɛɛ ku aa kɔka lɛyikwu aɔka nōo ba nyā.

UVIDIO: Ɔdā Ō Bi Le Jɔɔnyɛ Iyi Um Nyá Nɛ Um Cika Ō Je A? (4:39)

Ɛgɛnyá nɛ unu nɛ ācɛ gē nu ikee gē ŋmo iyi uwa a lɛbɛɛka aɔdā ō bi le jɔɔnyɛ iyi alɔ icɛ a?
Ipu uvidio a, ɔdi nɛ Udan nwu lɛyikwu aɔdā ō bi le jɔɔnyɛ iyi ɔcɛ a?

Jé Ācɛ Uróm 12:9, cɛɛ ku aa kɔka lɛyikwu ɔka ba nyā:

Ɛgɛnyá nɛ ɔgba nyā cika ō ta uwɔ abɔ ō fu aɔdā ō bi le jɔɔnyɛ iyi uwɔ olɔhi a?

Ɔdi wɛ aɔdā ōhī nōó he Ujehofa ɔtu ŋ ma? Jé Aíita 6:16, 17 mla Ācɛ Ugalésīya 5:19-21. Igbihi nɛ aa lɛ eyeeye ku ɛga ku Ubáyíbu a jé, aa kɔka lɛyikwu ɔka nyā:

Aɔdā ōhī nyá néē cɔcii ipu aɔgba nyā nōo kpɔ icɛ ipu aɔdā ō bi le jɔɔnyɛ iyi alɔ a?

Aɔka nōo géē ta uwɔ abɔ ō fu aɔdā ō bi le jɔɔnyɛ iyi uwɔ mla ijeeyi

Da iyi uwɔ aɔka nōo ba nyā:

Ɔdā nɛ um yɔ i bi le jɔɔnyɛ iyi um nyā lɛ ɔdā duuma ipu nu nōó he Ujehofa ɔtu ŋ?
Ó gē lɛ abɔ kwu eko nɛ um cika ō bi le ya aɔdā nōo cɛgbá fiyɛ duu a?
Ó gē cɛ gā um piyatɔha ojigogo mla ācɛ nōó yihɔtu ku Ujehofa ŋ?

Ó lɔhi fiyɛ ō yɔ ligbo ŋma ɛgiyi aɔdā nōo wɛ ukpa, ɛgɛ duuma nōó tɔɔtɛ lɛ a. Ɔɔma ya ɛɛ nɛ alɔ cika ō habɔ aɔdā ō bi le jɔɔnyɛ iyi alɔ nɛ alɔ gbɛla kóō lɔhi lɛ alɔ ŋ ma ta a

4. Bi eko ku uwɔ le yuklɔ ɔwɛ ku ijeeyi

Lɛ UVIDIO nyā mafu, cɛɛ ku aa kɔka lɛyikwu ɔka nyā.

UVIDIO: Ɔdi Gē Kpo Eko Ku Uwɔ A? (2:45)

Naana nɛ ɔyinɛ ipu uvidio a i yɔ i má ɔdobɔbi ŋ ma, unwalu nyá nōó lɛ a?

Jé Ācɛ Ufílipāyi 1:10, cɛɛ ku aa kɔka lɛyikwu ɔka nyā:

Ɛgɛnyá nɛ ɔgba nyā géē ta alɔ abɔ ya ōmiya lɛyikwu eko nɛ alɔ gē le taajɛ lɛ ɔdā ō bi le jɔɔnyɛ iyi alɔ a?

5. Fu ɔdā ō bi le jɔɔnyɛ iyi uwɔ nōo lɔhi gā uwɔ

Naana nɛ aɔdā ō bi le jɔɔnyɛ iyi ɔcɛ ōhī i he Ujehofa ɔtu ŋ ma, ó lɛ aɔdā ō bi le jɔɔnyɛ iyi ɔcɛ nōo kē he Ujehofa ɔtu kpɔ. Jé Ɔ̄cokóītá 8:15 mla Ācɛ Ufílipāyi 4:8, cɛɛ ku aa kɔka lɛyikwu ɔka nyā:

Ɛdɔ ku aɔdā ō bi le jɔɔnyɛ iyi ɔcɛ nyá he uwɔ ɔtu a?

A lɔfu jɔɔnyɛ ku aɔdā ō bi le jɔɔnyɛ iyi ɔcɛ nōo lɔhi

ĀCƐ ŌHĪ GĒ KA: “Aɔdā ō bi le jɔɔnyɛ iyi ɔcɛ nōo lɛ ō ya mla unu ō nu, aja ō gbo amāŋ imabɔ o ya a i lɛ unwalu duuma ŋ, ɔdā nōo ya nɛ ń gē ya aɔdā ɔɔma ŋ ma.”

Ɔdi nɛ a géē ka a?

ƆDI NƐ A NWU A?

Ujehofa dɔka ku alɔ fu aɔdā ō bi le jɔɔnyɛ iyi alɔ nōo lɔhi.

Aɔka ō tu alɔ ɛlá kwu ɔdā nɛ alɔ nwu

Ɛdɔ ku aɔdā ō bi le jɔɔnyɛ iyi ɔcɛ nyá nɛ Ācɛ O Yɛce Ukraist cika ō habɔ nu ta a?
Ɔdiya nɛ alɔ cika ō leyi kwɛɛcɛ lɛyikwu eko nɛ alɔ gē le taajɛ lɛyikwu aɔdā ō bi le jɔɔnyɛ iyi alɔ a?
Ɔdiya nɛ a dɔka ō fu aɔdā ō bi le jɔɔnyɛ iyi ɔcɛ nōo gē he Ujehofa ɔtu a?

Um ya ɛlā ō nwu nyā mɛ ɛ̄cī:

Ɔdā nɛ a géē ya

Using the box “Bi ikpati nōo kahinii: “ Aɔka Nōo Géē Ta Uwɔ Abɔ Ō Fu Aɔdā Ō Bi Le Jɔɔnyɛ Iyi Uwɔ Mla Ijeeyi” a le yuklɔ, ku a leyi yɛ aɔdā ō bi le jɔɔnyɛ iyi ɔcɛ nɛ a gē jɔɔnyɛ nu a.

Ɔdā ɔhá:

Ɔdā ɔhá nɛ a géē ya