Abụ Ọma 118:1-29
118 Keleenụ Jehova n’ihi na ọ dị mma.+
Ịhụnanya ya na-adịru mgbe ebighị ebi.
2 Ka ndị Izrel kwuo, sị:
“Ịhụnanya ya na-adịru mgbe ebighị ebi.”
3 Ka ndị ezinụlọ Erọn kwuo, sị:
“Ịhụnanya ya na-adịru mgbe ebighị ebi.”
4 Ka ndị na-atụ egwu Jehova kwuo, sị:
“Ịhụnanya ya na-adịru mgbe ebighị ebi.”
5 M kpọkuru Jaa* n’oge m na-ata ahụhụ.
Jaa zara m wee kpọba m ebe ihe ọ bụla na-agaghị eme m.*+
6 Jehova nọnyeere m. Agaghị m atụ egwu.+
Gịnị ka mmadụ ga-emeli m?+
7 Jehova nọnyeere m. Ọ bụ ya na-enyere m aka.*+
M ga na-ele ndị kpọrọ m asị anya na-achị ha ọchị mgbe a na-emeri ha.+
8 Ọ ka mma ịgbaba n’ime JehovaKama ịtụkwasị mmadụ obi.+
9 Ọ ka mma ịgbaba n’ime JehovaKama ịtụkwasị ndị isi obi.+
10 Mba niile gbara m gburugburu,Ma ọ bụ aha JehovaKa m ji chụọ ha ọsọ.+
11 Ha gbara m gburugburu. N’eziokwu, ha gbara m nnọọ gburugburu.
Ma ọ bụ aha JehovaKa m ji chụọ ha ọsọ.
12 Ha gbara m gburugburu ka aṅụ,Ma a lara ha n’iyi ngwa ngwa otú ọkụ si erechapụ osisi ogwu ngwa ngwa.
Ọ bụ aha JehovaKa m ji chụọ ha ọsọ.+
13 A kwasiri* m aka ike ka m daa,Ma Jehova nyeere m aka.
14 Jaa bụ ebe mgbaba m na ike m,Ọ bụkwa ya na-azọpụta m.+
15 Mkpu ọṅụ na mkpu mmeri*Na-ada n’ụlọikwuu ndị ezi omume.
Aka nri Jehova na-akpa ike.+
16 Jehova weliri aka nri ya maka na o meriela.
Aka nri Jehova na-akpa ike.+
17 Agaghị m anwụ, kama m ga-adị ndụ,Ka m wee kọsaa ọrụ dị iche iche Jaa na-arụ.+
18 Jaa dọsiri m aka ná ntị ike,+Ma o kweghị ka m nwụọ.+
19 Megheerenụ m ọnụ ụzọ ámá ezi omume.+
M ga-esi na ya banye too Jaa.
20 Ọ bụ ọnụ ụzọ ámá Jehova.
Ndị ezi omume ga-esi na ya gafere.+
21 M ga-eto gị n’ihi na ị zara m,+Ọ bụkwa gị zọpụtara m.
22 Nkume ndị na-arụ ụlọ jụrụAghọọla nkume ji ụlọ.+
23 Ihe a si n’aka Jehova.+
Ọ dị ebube n’anya anyị.+
24 Taa bụ ụbọchị Jehova wepụtara.
Anyị ga-aṅụrị ọṅụ, nweekwa obi ụtọ na ya.
25 Jehova, biko, anyị na-arịọ gị, zọpụta anyị.
Jehova, biko, mee ka anyị merie.
26 Onye na-abịa n’aha Jehova bụ onye a gọziri agọzi.+
Anyị si n’ụlọ Jehova na-agọzi unu.
27 Jehova bụ Chineke.
Ọ na-enye anyị ìhè.+
Jirinụ alaka osisi soro ndị na-eme ememme kwụrụ n’ahịrị.+
Garuonụ n’ebe ịchụàjà.*+
28 Ị bụ Chineke m. M ga-eto gị.
Chineke m, m ga-aja gị mma.+
29 Keleenụ Jehova+ n’ihi na ọ dị mma.
Ịhụnanya ya na-adịru mgbe ebighị ebi.+
Ihe E Dere n'Ala Ala Peeji
^ “Jaa” bụ mkpọbiri aha Jehova.
^ Ma ọ bụ “ebe sara mbara.”
^ O nwere ike ịbụ, “ya na ndị na-enyere m aka.”
^ O nwere ike ịbụ, “Ị kwasiri.”
^ Ma ọ bụ “mkpu nzọpụta.”
^ Na Hibru, “na mpi ebe ịchụàjà.” Gụọ Nkọwa Okwu.
