NGWERE nwere ike isi n’elu wụtuo ma o nweghị ihe ga-eme ya. Ma, ọ bụrụ na ebe ahụ o si wụtuo na-amị amị, ọ gaghị ada ebe ọ chọrọ ịda. Ma, ọkọ agaghị akọ ya. Olee ihe kpatara ya? Ọ bụ n’ihi otú e si kee ọdụ ya.

Ihe ị ga-echebara echiche: Ọ bụrụ na ngwere ejide aka n’ihe nwere ezé ma chọọ isi ebe ahụ wụtuo, ọ na-ebu ụzọ wetuo ọdụ ya ala. Nke a na-enyere ya aka ịwụtu ebe ọ chọrọ. Ma, ya nọrọ n’ebe na-amị amị, ụkwụ anaghị esi ya ike. Ya si ebe ahụ mapụ, o nwere ike ịda n’ebe ọ na-achọghị ịda. Ma, tupu ya eruo ala, ọ na-eweli ọdụ ya elu. Nke a na-eme ka o jiri ụkwụ ya na aka ya daa. Mgbe ọ bụla ngwere weliri ọdụ ya elu ma ọ bụ weda ya ala, ọ na-abara ya uru. Nchọpụta e mere na Mahadum Kalịfọnịa nke dị na Bakli gosiri na nke a bụ eziokwu. Nchọpụta ahụ e mere gosiri na tupu ngwere eruo ala, ọ na-eweli ọdụ ya elu. Nke a na-eme ka o jiri ụkwụ ya na aka ya wụtuo. Ọ bụrụ na ebe ahụ ọ nọ na-achị ezigbo ọchịchị, ọ ga-eweli ọdụ ya elu ugboro ugboro ka ọ ghara iji ahụ́ ya daa.

Ọdụ ngwere nwere ike inyere ndị injinia aka ịrụpụta rọbọt ndị e nwere ike iji na-achọ ndị mmadụ ma e nwee ala ọma jijiji ma ọ bụkwanụ mgbe mkpamkpa ndị ọzọ kpara. Nke a ga-eme ka ọ dịrị ha mfe ịkpọpụta ndị dị ndụ. Otu onye na-eme nchọpụta aha ya bụ Thomas Libby kwuru, sị: “Rọbọt adịghị garagara ka ụmụ anụmanụ. N’ihi ya, ihe ọ bụla nwere ike ime ka ọ na-arụ ọrụ ngwa ngwa magburu onwe ya.”

Gịnị ka i chere? Ọdụ ngwere ọ̀ nọkatara dịrị ka ò nwere onye kere ya?