Idi Sabado, Oktubre 6, 2018, dinayyeg ti magnitude 5.9 a ginggined ti makin-amianan a rehion ti Haiti, a nakatayan ti 17 ken nakasugatan ti nasurok a 300.

Awan ti naipadamag a natay kadagiti kakabsat; nupay dua ti nadangran ngem saan a nakaro. Sigun iti damo nga impakaammo dagiti manangaywan iti sirkito, 44 a balbalay ken 4 a Kingdom Hall ti nadadael. Iti siudad ti Port-de-Paix, nagbakuit ti agarup 50 kadagiti kakabsat ken kapamiliada gapu ta delikadon a pagyanan dagiti balbalayda. Dagiti kakongregasionda ti mangas-asikaso ita kadakuada. Adda miembro ti Branch Committee ti Haiti agraman dua a kakabsat nga agtrabtrabaho iti Local Design/Construction Department a simmarungkar iti naapektaran a lugar tapno mangparegta ken mangkita iti kakaro dagiti nadadael. Naipasdek ti maysa a Disaster Relief Committee tapno mayurnos ti pannakaipaay dagiti kasapulan a tulong.

Kanayon a silalagip ken ikarkararagantayo dagiti kakabsat idiay Haiti. Agyamantayo ta inkari ti nadungngo a nailangitan nga Amatayo a liwliwaenna dagiti matalek nga adipenna babaen iti napudno nga ayatna.—Salmo 119:76.