Isaias 45:1-25
45 Daytoy ti kinuna ni Jehova iti daydiay pinilina, ni Ciro,+Nga iniggamak ti kannawan nga imana+Tapno maparmek dagiti nasion iti sanguananna,+Tapno maikkat ti armas* dagiti ari,Ken maluktan iti sanguananna dagiti doble a ridaw,Tapno saan a mairikep dagiti ruangan:
2 “Mapanakto iti sanguanam,+Ket patagek dagiti turod.
Guduaguduaekto dagiti gambang a ruangan,Ket dadaelek dagiti trangka a landok.+
3 Itedkonto kenka dagiti gameng iti kasipngetanKen dagiti nalmeng a gameng kadagiti nalimed a lugar,+Tapno maammuam a siak ni Jehova,Ti Dios ti Israel, a mangaw-awag kenka iti naganmo.+
4 Maigapu ken Jacob nga adipenko ken iti Israel a pinilik,Awaganka iti naganmo.
Ikkanka iti nadayaw a nagan, nupay dinak am-ammo.
5 Siak ni Jehova, ket awanen ti sabali.
Awan ti Dios no di siak.+
Patibkerenkanto* uray no dinak am-ammo,
6 Tapno maammuan dagiti tattaoManipud pagsingisingan ti init agingga iti paglennekanna*Nga awan ti sabali malaksid kaniak.+
Siak ni Jehova, ket awanen ti sabali.+
7 Pataudek ti lawag+ ken ti sipnget,+Aramidek ti talna+ ken ti didigra;+Siak, ni Jehova, ar-aramidek amin dagitoy a banag.
8 Agtudokayo, dakayo a langit;+Mangibuyat koma dagiti ulep iti kinalinteg.
Aglukat koma ti daga ken agbunga iti pannakaisalakan,Ket patubuenna met koma ti kinalinteg.+
Siak, ni Jehova, pinarsuak dayta.”
9 Kaasi pay daydiay makisupiat* iti Nangaramid kenkuana,*Ta isu ket maysa laeng a buong ti damiliIti dadduma pay a buong ti damili a naiwara iti daga!
Rumbeng kadi nga ibaga ti pila iti Agdamdamili:* “Ania ti ar-aramidem?”+
Wenno rumbeng kadi nga ibaga ti naaramid: “Awan imana”?*
10 Kaasi pay daydiay mangibaga iti amana: “Apay nga imputotnak?”
Ken iti inana: “Apay nga inyanaknak?”*
11 Daytoy ti kinuna ni Jehova, Daydiay Nasantuan ti Israel,+ a Nangporma kenkuana:“Kuestionarannak kadi maipapan iti bambanag nga umay
Ken bilinennak kadi maipapan iti annakko+ ken iti aramid ti imak?
12 Inaramidko ti daga+ ken pinarsuak ti tao.+
Inyunnat dagiti imak ti langit,+Ken bilinek ti intero nga armadana.”+
13 “Gapu ta nalintegak,+ nangibaonak iti lalaki,Ket palintegekto ti amin a dalanna.
Ibangonnanto ti siudadko+Ken wayawayaanna dagiti balud a tattaok+ nga awanan bayad wenno pasuksok,”+ kuna ni Jehova a panguluen dagiti armada.
14 Daytoy ti kinuna ni Jehova:
“Ti tangdan* ti Egipto, ti tagilako* ti Etiopia, ken dagiti natayag a Sabeo,Umaydanto kenka ket kukuamto ida.
Magnadanto a sikakawar iti likudam.
Umaydanto agruknoy kenka.+
Ibagadanto a siraraem, ‘Pudno nga adda kenka ti Dios,+Ket awanen ti sabali; awan ti sabali a Dios.’”
15 Pudno a maysaka a Dios a mangilimlimed kadagiti dalanmo,O Dios ti Israel, ti Manangisalakan.+
16 Maibabain ken maipababadanto amin;Malalaisto amin nga agar-aramid iti idolo.+
17 Ngem isalakanto ni Jehova ti Israel iti agnanayon.+
Dikanto pulos maibabain wenno malalais.+
18 Ta daytoy ti kinuna ni Jehova,Ti Namarsua iti langit,+ ti pudno a Dios,Ti Nangporma iti daga, ti Nangaramid ken nangipasdek a sititibker iti dayta,+A saanna a pinarsua nga awan serserbina,* no di ket pinormana a pagnaedan:+
“Siak ni Jehova, ket awanen ti sabali.
19 Diak nagsao iti nalimed a lugar,+ iti nasipnget a daga;Diak imbaga iti kaputotan* ni Jacob,‘Sapulendak ngem didak masapulan.’*
Siak ni Jehova, a mangibagbaga iti nalinteg ken umiso.+
20 Aguummongkayo ket umaykayo.
Umasidegkayo amin a nakalibas kadagiti nasion.+
Awan ammo dagidiay mangiliblibut kadagiti kinitikitan nga imahenKen agkarkararag iti dios a saan a makaisalakan kadakuada.+
21 Agsaokayo, idatagyo ti darumyo.
Agkonsultada koma iti maysa ken maysa.
Asino ti nabayagen a nangipadto iti daytoyKen nangibaga iti napalabas a tiempo?
Saan kadi a siak, ni Jehova?
Awanen ti sabali a Dios no di siak;Nalinteg a Dios ken Manangisalakan,+ awanen ti sabali no di siak.+
22 Agsublikayo kaniak ket maisalakankayo,+ dakayo nga adda iti intero a daga,Ta siak ti Dios, ket awanen ti sabali.+
23 Nagkariak a mismo;Pudno ti sao a rimmuar iti ngiwatko,Ken saanto a mapaay:+
Agparintumengto kaniak ti tunggal tumeng,Agsapatanto nga agmatalek ti tunggal dila+
24 Nga ibagada, ‘Pudno a nalinteg ken nabileg ni Jehova.
Mababainto nga umay iti sanguananna dagidiay makapungtot kenkuana.
25 Babaen ken Jehova, agbalinto nga umiso ti amin a kaputotan* ni Israel,+Ket agpannakkeldanto gapu kenkuana.’”
Footnotes
^ Lit., “barikes ti patong.”
^ Lit., “Bariksankanto a siiirut.”
^ Wenno “Manipud daya agingga iti laud.”
^ Wenno “makiriri.”
^ Wenno “Daydiay nangporma kenkuana.”
^ Wenno “Daydiay nangporma iti dayta.”
^ Wenno mabalin a, “Wenno rumbeng kadi nga ibaga ti pila: ‘Awan pagiggaman ti inaramidmo’?”
^ Wenno “Ania ti nagrigrigatam nga impasikal?”
^ Wenno mabalin a, “Dagiti trabahador.”
^ Wenno mabalin a, “dagiti komersiante.”
^ Wenno mabalin nga, “awan nagyanna.”
^ Lit., “bin-i.”
^ Wenno “awan serserbina.”
^ Lit., “bin-i.”
