Isaias 46:1-13
46 Agdumog ni Bel,+ agrukob ni Nebo.
Naisakay dagiti idoloda kadagiti parabunag nga animal,+Kas iti karga a mangpadagsen kadagiti nabannog nga animal.
2 Agrukob ken agdumogda a dua;Saanda a maisalakan dagiti karga,*Ken maipanawda a mismo kas balud.
3 “Denggendak, O sangakabbalayan ni Jacob, ken dakayo amin a nabatbati iti sangakabbalayan ti Israel,+Dakayo nga inaywanak sipud nayanakkayo ken kinargak iti tianko.+
4 Diak agbalbaliw agingga a tumaengankayo;+Itultuloykayo nga anusan agingga nga aguban ti buokyo.
Awiten, kargaen, ken ispalenkayo kas inaramidko idi.+
5 Asino ti pangyarigan wenno pangipadaan wenno pangikomparaanyo kaniak,+Tapno agkaarngikami?+
6 Adda dagidiay mangiruar iti adu a balitok iti supotda;Timbangenda ti pirak iti pagtimbangan.
Mangtangdanda iti latero, a mamagbalin iti dayta a dios.+
Sa agruknoyda, wen, agdayawda* iti dayta.+
7 Ibaklayda dayta;+Awiten ken ikabilda iti puestona, ket agtalinaed sadiay.
Saan a makapanaw iti ayanna.+
Umawagda iti dayta, ngem saan a sumungbat;Dina maisalakan ti asinoman a marigrigatan.+
8 Lagipenyo daytoy, ket bumilegkayo.
Ipapusoyo, dakayo a managbasol.
9 Lagipenyo dagiti napalabas* a banag,A siak ti Dios, ket awanen ti sabali.
Siak ti Dios, ket awan ti kas kaniak.+
10 Manipud pay idi un-unana, ipadtok ti mapasamak,Ken nabayagen nga imbagak dagiti saan pay a napasamak.+
Kinunak, ‘Matungpalto ti desisionko,*+Ket aramidek ti aniaman a pakaragsakak.’+
11 Mangayabak iti dakkel a billit manipud pagsingisingan ti init,*+Manipud adayo a daga, mangayabak iti tao a mangitungpal iti desisionko.*+
Imbagak dayta, ket tungpalekto.
Pinanggepko dayta, ket aramidekto met.+
12 Denggendak, dakayo a nasukir* ti pusona,Dakayo nga adayo iti kinalinteg.
13 Inyasidegko ti kinalintegko;Saan nga adayo dayta,Ken saanto a maladaw ti panangisalakanko.+
Isalakankonto ti Sion, ipaaykonto ti kinangayedko iti Israel.”+
Footnotes
^ Kayatna a sawen, dagiti idolo a naikarga kadagiti animal.
^ Lit., “agrukobda.”
^ Lit., “immuna.”
^ Wenno “panggepko; balakadko.”
^ Wenno “daya.”
^ Wenno “panggepko; balakadko.”
^ Lit., “nabileg.”
