Job 36:1-33
-
Idaydayaw ni Elihu ti di masukimat a kinanaindaklan ti Dios (1-33)
36 Intuloy pay ni Elihu:
2 “Anusannak pay bassit bayat nga agilawlawagak,Ta adda pay dagiti ibagak iti nagan ti Dios.
3 Ibagak ti nakaad-adu nga ammok,Ket ipakaammok a nalinteg ti Nangaramid kaniak.+
4 Talaga nga agpayso dagiti ibagbagak;Naggapu dagita iti Daydiay perpekto ti pannakaammona.+
5 Kinaagpaysuanna, ti Dios ket mannakabalin+ ken awan ti baybay-anna;Nauneg ti pannakaawatna.*
6 Saanna a pagtalinaeden a sibibiag dagiti managdakdakes,+Ngem itedna ti hustisia kadagiti maparparigat.+
7 Kanayon a kitkitaenna dagiti nalinteg;+Pagtugawenna ida kas ar-ari,*+ ket agnanayon a maitan-okda.
8 Ngem no naposasandaKen naigalutda iti rigat,
9 Ibagana kadakuada dagiti basol nga inaramiddaA maigapu iti kinapannakkelda.
10 Bagbagaanna ida tapno mailintegdaKen ibagana nga isardengdan ti agaramid iti dakes.+
11 No agtulnog ken agserbida kenkuana,Agbalin a narang-ay ken naragsakDagiti aldaw ken tawen ti panagbiagda.+
12 Ngem no saanda nga agtulnog, mataydanto iti espada*+Ket mauyosto ti biagda nga awan ti pannakaammoda.
13 Dagiti rebelioso* ket agipempen iti sakit ti nakem.
Saanda nga agpatulong uray no reppetenna ida.
14 Matayda* bayat nga ubingda pay,+Inusarda* ti biagda a kadua dagiti lallaki a balangkantis iti templo.+
15 Ngem alawen ti Dios dagiti agrigrigat bayat ti panagrigatda;Luktanna ti lapayag dagiti mairurrurumen tapno maisurona ida.
16 Iyadayonaka iti pakarigatam,+Ipannaka iti nalawa a lugar a sadiay nawayaka,+Idasaranna ti lamisaanmo iti adu a makan kas liwliwam.+
17 Ket mapnekkanto iti pannakadusa dagiti managdakdakes,+Inton maipataw ti pannusa ken maipatungpal ti hustisia.
18 Ngem agannadka di la ket ta makaguraka gapu iti pungtotmo,*+Ken dimo ipalubos a ti dakkel a pasuksok ti mangyaw-awan kenka.
19 Maliklikamto aya ti agrigat gapu iti panagpatulongmoWenno gapu iti aniaman a panagreggetmo?+
20 Dimo idawat a rabii koman,Inton mapan dagiti tattao iti pagturoganda.
21 Agannadka tapno saanka a makaaramid iti dakes,Ibturam ketdi ti rigat a mapaspasaram.+
22 Kitaem! Natan-ok ti Dios gapu iti pannakabalinna;Asino ti mannursuro a kas kenkuana?
23 Asino ti nangiturong* iti dalanna+Wenno nangibaga kenkuana, ‘Saan nga umiso ti inaramidmo’?+
24 Laglagipem nga itan-ok dagiti inaramidna,+Nga inkanta dagiti tattao.+
25 Nakita dayta ti intero a sangatauan,Makitkita ti tao manipud iti adayo.
26 Wen, dakdakkel ti Dios ngem iti kabaelantayo nga ammuen;+Saantayo a mabilang* ti kaadu dagiti tawenna.+
27 Ipangatona dagiti tedted ti danum;+Maurnong dagiti angepna sa agbalin a tudo;
28 Kalpasanna, ibuyat dayta dagiti ulep;+Agtinnagda kadagiti tattao.
29 Adda kadi asinoman a makatarus kadagiti natuontuon nga ulep,Ken iti panaggurruod iti paggigiananna?*+
30 Kitaem no kasano a paggilapenna ti kimatna*+ iti daytaKen punnuenna iti danum ti kaunggan* ti baybay.
31 Dagita ti pangbibiagna kadagiti* tattao;Ik-ikkanna ida iti nakaad-adu a kanenda.+
32 Dagiti imana ti pangkalubna iti kimat,Ket ipaturongna dayta iti puntiriana.+
33 Adda ibaga ti gurruodna maipapan kenkuana,Maibaga met dagiti taraken no asino* ti umay.
Footnotes
^ Wenno, “Dakkel ti pannakabalin ti pusona.”
^ Wenno mabalin a, “Mangitrono kadagiti ar-ari.”
^ Wenno “armas.”
^ Wenno “apostata.”
^ Wenno “Matay ti kararuada.”
^ Wenno mabalin a, “Pinagpatinggada.”
^ Wenno “makapasuron a panagpalakpak.”
^ Wenno mabalin a, “nangkritikar; nangkuestion.”
^ Wenno “Saantayo a masukimat.”
^ Lit., “abong-abongna.”
^ Lit., “nga isaknapna ti lawagna.”
^ Lit., “ramut.”
^ Wenno mabalin a, “pangirupirna iti kalintegan dagiti.”
^ Wenno mabalin nga, “ania.”
