Salmo 4:1-8
Iti direktor; akompaniaran dagiti dekuerdas a pagtokar. Kanta ni David.
4 No umawagak, sungbatannak, O nalinteg a Diosko.+
Ipamuspusam* a malasatak dagiti rigatko.
Kaasiannak ken denggem ti kararagko.
2 Dakayo a tattao, kaanoyo nga isardeng ti panangin-insultoyo kaniak?
Kanayon latta kadin a pagaayatyo ti awan serserbina a bambanag ken ti kinaulbod? (Selah)
3 Ammuenyo nga espesial ti panangtratonto ni Jehova kadagiti napudno kenkuana;*Dumngegto ni Jehova inton umawagak kenkuana.
4 Agpungtotkayo, ngem dikay agbasol.+
Pagkalmaenyo ti pusoyo inton agiddakayo ket agulimekkayo. (Selah)
5 Naimpusuan nga agdatonkayoKen agtalekkayo ken Jehova.+
6 Adu ti mangibagbaga: “Asino ti mangipakita kadatayo iti aniaman a naimbag?”
Paraburannakami koma, O Jehova.+
7 Pinagbalinnak a naragragsakNgem kadagidiay aduan iti apit ken baro nga arak.
8 Agiddaak ken maturogakto nga awan pagdanagak,+Ta sika laeng, O Jehova, ti makagapu a natalgedak.+
Footnotes
^ Lit., “Mangaramidka iti nalawa a disso tapno.”
^ Wenno “ilasinna daydiay napudno kenkuana; itudingna daydiay napudno nga agpaay kenkuana.”
