Idi Lunes, Pebrero 6, 2023, dinayyeg ti napigsa a ginggined ti Turkey ken Syria.

•   “Pinatay ti napigsa a ginggined ti nasurok a 3,700 a tattao iti dakkel a paset ti Turkey ken iti amianan a laud a Syria idi Lunes. Lallalo pay a narigatan ti rinibu a nadangran wenno naawanan iti balay gapu iti nakalamlamiis a winter. Marigrigatan met dagiti tumultulong nga agbirok kadagiti nakalasat.”—Reuters, Pebrero 6, 2023.

 Maladingitantayo unay no makadamagtayo kadagiti kasta a trahedia. Kadagiti kastoy a tiempo, makapagtalektayo ken Jehova a “Dios ti amin a liwliwa.” (2 Corinto 1:3) Mangipapaay iti “liwliwa manipud iti Kasuratan” tapno “maaddaantayo . . . iti namnama.”—Roma 15:4.

 Maammuantayo iti Biblia:

•   No ania ti naipakpakauna maipapan kadagiti ginggined.

•   No pakasarakantayo iti liwliwa ken namnama.

•   No kasano nga ikkaten ti Dios ti amin a panagrigrigat.

 Tapno makitam ti ibagbaga ti Biblia maipapan kadagitoy a topiko, basaem dagitoy nga artikulo:

•   “Ania ti Impakpakauna ti Biblia Maipapan iti Napipigsa a Ginggined?”

•   “Pakabirokak iti Namnama?”

•   “Asidegen a Pagpatinggaen ti Dios ti Amin a Panagsagaba”