Agbuya iti maysa a video wenno amin a video iti maysa a koleksion. I-pause, i-rewind, wenno i-fast-forward.

•  Agbirok ken Agi-play iti Video

•  I-play ti Amin a Video iti Maysa a Kategoria Wenno iti Maysa a Koleksion

•  Kontrolen ti Video Playback

•  Sukatan Dagiti Setting ti Video

Mapanka iti LIBRARIA > VIDEO tapno makitam ti amin a video, agraman dagiti video a mabuya iti JW Broadcasting studio.

Agpilika iti kategoria ti video.

Iti maysa a kategoria, tunggal topiko ket naglaon iti koleksion dagiti video. Tapno makitam ti dadduma pay a video iti maysa a koleksion, i-scroll-mo nga agpakannigid wenno agpakannawan wenno i-click ti button a Kitaen Amin.

Buyaem wenno i-share-mo ti video babaen ti maysa kadagitoy a pamay-an:

• I-click ti button nga I-play iti video player.

• I-click ti button nga I-download tapno mai-save ti video iti computer wenno iti mobile device-mo. (Palagip: Iti dadduma a mobile device, kasapulan ti sabali nga application tapno makapag-download iti file. No adda JW Library app iti mobile device-mo, irekomendami a dayta ti usarem nga ag-download kadagiti video a kayatmo a buyaen offline.)

• I-click ti button nga I-share tapno mai-send-mo ti link ti video. Para iti ad-adu pay nga impormasion, kitaem ti “I-share ti Link ti Maysa nga Artikulo, Video, Wenno Publikasion.”

• Tapno mabuyam ti video iti sabali a lengguahe, piliem ti kayatmo a lengguahe manipud iti listaan dagiti Lengguahe a makita iti abay ti paulo ti video.

I-click ti button nga I-shuffle iti maysa a kategoria ti video tapno mai-play ti amin a video a saan nga agsasaruno.

Adda dua a pamay-an a mangbuya iti amin a video iti maysa a koleksion iti uneg ti maysa a kategoria:

• I-click ti button nga I-play Amin iti maysa a koleksion ti video tapno mai-play ti amin a video iti dayta a koleksion sigun iti panagsasarunoda.

• I-click ti button nga I-shuffle iti maysa a koleksion ti video tapno mai-play ti amin a video iti dayta a koleksion a saan nga agsasaruno.

Palagip: Agsardeng ti playback no nai-play aminen a video iti maysa a kategoria wenno koleksion.

Kontrolem ti video playback babaen kadagitoy:

• I-click ti Full-Screen button iti video-player bar tapno ilukat wenno iserra ti full-screen mode.

• I-click ti button nga I-pause tapno i-pause ti video.

• I-click ti button nga I-play tapno ag-play manen ti video.

• Iyakarmo ti Playhead tapno mai-forward wenno mai-backward ti video.

• I-click ti Volume button ken ipangato wenno ipababa ti indicator tapno pumigsa wenno kumapsut ti volume. Iti mobile device-mo, mabalinmo met nga usaren ti audio button ti device.

I-click ti Settings button ken piliem ti kayatmo a resolution. (Palagip: Awan daytoy a feature iti dadduma a browser.)

Ania ti kayat a sawen dagitoy a numero? No nangatngato ti numero, nasaysayaat ti kalidad ti video ken agkasapulan iti naparpartak nga Internet koneksion. Piliem ti resolution a maibagay iti kapartak ti Internet, kadakkel ti screen, ken budget-mo.

Makita ditoy ti pannakailawlawag ti tunggal video resolution:

Apay a baliwam ti resolution ti video? No nakapsut ti Internet-mo ken agsardesardeng ti video playback-mo, nasaysayaat nga usarem ti nababbaba a resolution. Ikabilmo iti kangatuan a resolution a maibagay iti computer wenno device-mo. Mabalinmo met a pilien ti nababbaba a resolution no kayatmo ti makainut iti kuarta a para iti Internet data.

I-click ti Subtitle button tapno i-enable wenno i-disable ti subtitle iti lengguahe ti audio track ti video.

Palagip: Saan nga amin a video ket adda subtitle-na.