Sálmur 147:1–20
147 Lofið Jah!*
Gott er að lofsyngja Guð okkar,*það er ánægjulegt og við hæfi að lofa hann.+
2 Jehóva byggir Jerúsalem,+hann safnar saman hinum tvístruðu frá Ísrael.+
3 Hann læknar hina sorgmædduog bindur um sár þeirra.
4 Hann þekkir tölu stjarnanna,hann nefnir þær allar með nafni.+
5 Drottinn okkar er mikill og máttugur,+viska* hans er takmarkalaus.+
6 Jehóva reisir hina auðmjúku á fætur+en kastar hinum illu til jarðar.
7 Syngið Jehóva þakkarsöng,lofsyngið Guð okkar við hörpuleik,
8 hann sem þekur himininn skýjum,sér jörðinni fyrir regni+og lætur gras spretta+ á fjöllunum.
9 Hann gefur dýrunum fæðu,+hrafnsungunum sem krunka eftir henni.+
10 Hann hefur ekki mætur á krafti hestsins+né hrífst hann af sterkum fótleggjum mannsins.+
11 Jehóva hefur ánægju af þeim sem óttast hann,+þeim sem setja von sína á tryggan kærleika hans.+
12 Upphefðu Jehóva, Jerúsalem,lofaðu Guð þinn, Síon.
13 Hann gerir slagbranda borgarhliðanna sterka,hann blessar syni þína.
14 Hann veitir landi þínu frið,+seður þig á fínasta hveiti.*+
15 Hann sendir fyrirmæli sín til jarðar,orð hans kemst fljótt til skila.
16 Hann lætur snjóinn falla eins og ull,+hann stráir hríminu eins og ösku.+
17 Hann varpar niður haglinu* eins og brauðmolum.+
Hver getur staðist kulda hans?+
18 Hann sendir út orð sitt og ísinn þiðnar,hann lætur vindinn blása+ og vatnið streymir.
19 Hann boðar Jakobi orð sitt,Ísrael ákvæði sín og dóma.+
20 Það hefur hann ekki gert fyrir neina aðra þjóð,+þær vita ekkert um dóma hans.
Lofið Jah!*+
Neðanmáls
^ Eða „Hallelúja!“ „Jah“ er stytting nafnsins Jehóva.
^ Eða „lofa Guð okkar með tónlist“.
^ Eða „skilningur“.
^ Orðrétt „fitu hveitisins“.
^ Eða „ís“.
^ Eða „Hallelúja!“ „Jah“ er stytting nafnsins Jehóva.
