Garðyrkjumenn að taka á móti eikartrjám og hlyn. Meira en 1.400 tré hafa verið gróðursett á byggingarsvæðinu í Warwick.

Starfsfólkið í Warwick heldur minningarhátíð um dauða Krists. Alls voru þarna 384 viðstaddir minningarhátíðina, sem vottar Jehóva halda árlega um heim allan.

Trésmiðir að setja glugga í hliðvarðarskýlið. Hliðverðir munu taka á móti gestum, annast öryggisgæslu við byggingarnar og stjórna umferðinni inn og út af svæðinu.

Feðgar leggja teppaflísar á gang á annarri hæð. Teppaflísar voru almennt notaðar á álagsfleti því að það er auðveldara að endurnýja skemmdar flísar heldur en stór teppi.

Smiðir setja upp færanleg skrifstofuskilrúm. Þessum skilrúmum má endurraða eftir þörfum á hverri skrifstofu.

Starfsmaður undirbýr aðalgestasalernið svo að hægt sé að setja upp salerni og skilrúm. Gestasalernið er beint á móti anddyrinu.

Öryggisvarnateymi æfir sig að slökkva eld á brunaæfingu. Með því að vera vel undirbúnir að ráða hratt við slík atvik gæta þessir slökkviliðsmenn öryggis starfsfólksins og bygginganna í Warwick, auk þess létta þeir undir með slökkviliði og hjálparsveitum í bæjarfélaginu.

Þjónn býður verkamönnum til sætis í aðalmatsalnum rétt áður en dagstextaumræðan hefst. Þetta er í fyrsta sinn sem útsendingunni er streymt í matsalinn.

Smiður notar sjálfstillandi leysi til að setja upp meira en 2.500 skilti sem vísa íbúum og gestum til vegar.

Logsuðumaður setur upp handrið við aðalstigann sem liggur frá anddyrinu upp að fyrirlestrasalnum. Eldvarnateppið neðst á myndinni ver svæðið umhverfis fyrir skemmdum.

Starfsmaður í veggja- og loftdeildinni lýkur við að pússa gipsvegginn að sýningunni „Trú í verki“, einni af þremur sýningum án leiðsögumanns fyrir gesti.

Starfsmenn undirbúa steinsteypt gólf fyrir flot. Flotið lokarsteypunni, gerir hana endingarbetri, ver hana fyrir ryki og dekkjaförum og auðveldar allt viðhald.

Smiðir setja plexígler í þakskegg yfir innganginn að anddyrinu. Gegnsæju plöturnar varpa ljósinu inn í aðalinnganginn.

Hjón leggja granítflísar við innganginn að sýningunni „Biblían og nafn Guðs“.

Smiður festir eitt af 1.018 sætum í aðalfyrirlestrarsalnum. Í þessum sal verður Varðturnsnámið haldið og önnur andleg dagskrá Betelfjölskyldunnar.

Í aðalanddyrinu vinna smiðir, rafvirkjar og fleiri starfsmenn við að setja upp ljósaskilti sem býður gesti velkomna.

Tvær systur færa starfsfólkinu vatn í aðalanddyrinu. Starfsfólk var stöðuglega minnt á að drekka nóg af vökva, einkum þegar heitt var í veðri.

Smiður setur upp sýningakassa undir sjaldgæfar biblíur fyrir sýninguna „Biblían og nafn Guðs“. Af og til breytist hluti sýningarinnar til að sýna fleiri sjaldgæfar biblíur og biblíutengda muni.

Smiður notar vinnuteikningar sem varpað er á vegginn til að festa eftirlíkingu af Ástralíu og eyjunum í Suðaustur-Asíu á landakortið í aðalanddyrinu. Nafnið Vottar Jehóva kemur fyrir á næstum 700 tungumálum á veggnum.

Betelfjölskyldan á kynningarnámskeiði. Námskeiðin voru skipulögð með það fyrir augum að bjóða tilvonandi Betelíta í Warwick velkomna og vara þá við hugsanlegum slysagildrum sem gætu enn verið til staðar.

Ljósahringir hengdir upp fyrir ofan borðið í myndverinu. Flestir hlutar myndversins voru fluttir frá myndverinu í Brooklyn.

Rafvirki setur upp skilti með LED-lýsingu við aðalinnganginn. Frá og með 1. september verða margar deildir aðalstöðvanna teknar til starfa í Warwick.