SANG 73
Elp Wi fi Briev
(Aks 4:29)
-
1. Wi so lov fi priich di gud nyuuz,
An wi lov fi taak bout yu.
Bot nof piipl, dem no laik it;
Dem waahn tap wa wi a du.
Bot a yu wi waahn obie,
An wi no waahn fi fried a dem.
So wi beg yu, gi wi yu spirit,
Mek wi briev an priich bout yu niem.
(KUOROS)
Gi wi korij mek wi aalwiez
Go go priich di Kindom nyuuz.
Mek wi briev an tiich di piipl
So dem av a chaans fi chuuz.
Aamagedan waar naa go liet;
Mek wi elp piipl bil dem fiet.
Gi wi korij mek wi priich bout
Yu an yu niem.
-
2. Iivn wen wi mait-a fiil fried,
Yu wi stil di de fi wi.
Chuu yu nuo se wi no porfek,
Yu gi korij we wi niid.
Du, Jeuova, luk pan ou
Som mait-a shiem wi, ron wi tu.
Du, no mek wi kaaz dat fi tap wi;
Mek wi briev an taak op fi yu.
(KUOROS)
Gi wi korij mek wi aalwiez
Go go priich di Kindom nyuuz.
Mek wi briev an tiich di piipl
So dem av a chaans fi chuuz.
Aamagedan waar naa go liet;
Mek wi elp piipl bil dem fiet.
Gi wi korij mek wi priich bout
Yu an yu niem.
(Riid 1 Tes. 2:2; Iib. 10:35 tu.)
