Aal uova di worl, a nof piipl fiil laik se nobadi no bizniz wid dem an dem fiil tu laik se dem an nobadi a no fren. Ef a so yu fiil, wan a di ting dem we yu kyan du fi fiil beta a fi elp ada piipl. Dat a wa piipl we stodi bout ou wi kyan api an elti a se.

•   “Sitn we kyan elp wi fi fiil gud bout wiself an di wie ou wi a liv wi laif a wen wi elp ada piipl. So wi naa go fiil laik se nobadi no bizniz wid wi ar laik se wi kyaahn ton fren wid nobadi at aal.”—U.S. National Institutes of Health.

 Ef wi fain out wa di Baibl av fi se bout dis an du wa it se, dat wi elp wi fi no fiil laik se wi na’av nobadi we bizniz wid wi.

 Gi wa yu av. Yu fi spen taim wid piipl fies tu fies an yu fi aalwiez redi fi shier wa yu av wid ada piipl tu. Wen yu du dem sitn de, piipl a-go big yu op an yu a-go fain se yu aalwiez av som gud gud fren.

•   Sitn we di Baibl se we yu kyan riizn pan: “Gi an unu wi get uol iip wid aal braata.”—Luuk 6:38.

 Yu fi de de fi ada piipl. Chrai fi si ou yu kyan elp piipl we a go chuu wan rof taim. Laik, yu kyan lisn tu dem iina wan wie we shuo se yu kier bout dem ar yu kyan du som likl likl tingz we wuda mek laif iiziya pan dem.

•   Sitn we di Baibl se we yu kyan riizn pan: “Wan chuu fren shuo lov aal di taim.”—Pravorbz 17:17.

 Fi fain out wa yu kyan du so dat yu kyan liv gud wid di piipl dem roun yu, riid dis: “Family Life and Friendships.”