PITAKONANÉ CAH ENOM
Apa Nindakké Beberapa Gawéan ing Wektu sing Padha Kuwi Apik?
Piyé pendapatmu soal nindakké beberapa gawéan ing wektu sing padha?
Apa kowé ngerti soal nindakké beberapa gawéan ing wektu sing padha utawa sing disebut multitasking? Akèh wong mikir nèk wong sing kèt cilik wis nggunakké tèknologi bakal luwih gampang kanggo multitasking ketimbang wong sing lagi waé nggunakké tèknologi. Ning, apa kuwi bener?
BENER utawa SALAH?
Nindakké beberapa gawéan ing wektu sing padha kuwi nggawé apa sing mbok kerjakké isa cepet rampung.
Nindakké beberapa gawéan ing wektu sing padha kuwi nggawé kowé isa nindakké luwih akèh gawéan.
Cah enom isa luwih gampang nindakké beberapa gawéan ing wektu sing padha ketimbang wong tuwa.
Nèk kowé njawab ”bener”, mungkin kowé wis kena pengaruh saka ”pandhangan sing salah soal nindakké beberapa gawéan ing wektu sing padha”.
Pandhangané wong-wong soal nindakké beberapa gawéan ing wektu sing padha
Apa kowé ngrasa isa nindakké rong gawéan ing wektu sing padha? Mungkin kowé isa tetep fokus wektu nindakké beberapa gawéan ing wektu sing padha. Contoné, mungkin kamarmu tetep kétok resik senajan kowé ngresiki kamar karo nyambi ngrungokké musik.
Wektu kowé nindakké rong gawéan sing mbutuhké konsèntrasi, mungkin loro-loroné dadi ora apik. Mula ana cah wédok sing jenengé Katherine ngomong nèk multitasking kuwi, ”Kemampuan kanggo nggawé kabèh gawéan dadi ruwed”.
”Wektu aku lagi ngobrol karo kancaku, ngerti-ngerti ana SMS mlebu. Aku njajal kanggo tetep ngobrol karo mbalesi SMS. Hasilé, aku ora mudheng kancaku ngomong apa lan aku dadi kerep salah ngetik wektu mbales SMS.”—Caleb.
Sherry Turkle sing nliti hubungan antarané manungsa lan tèknologi nulis, ”Pas lagi nindakké beberapa gawéan ing wektu sing padha, . . . sakjané mutu gawéané awaké dhéwé dadi berkurang. Wektu nindakké beberapa gawéan, otak nggawé awaké dhéwé ngrasa wis nindakké sing luwih apik, ning nyatané ora.” a
”Kadhang aku mikir nèk aku isa SMS-an karo ngobrol. Ning, wektu aku nindakké kuwi, aku malah ngomong apa sing kuduné tak ketik lan ngetik apa sing kuduné tak omongké.”—Tamara.
Wong sing ngupaya kanggo nindakké beberapa gawéan ing wektu sing padha kuwi nggawé uripé tambah susah. Contoné, dhèwèké dadi butuh wektu sing luwih akèh kanggo ngrampungké PR merga nyambi ngerjakké liyané utawa malah kudu mbalèni PR-e merga hasilé ora apik. Kuwi ngentèkké akèh wektu.
Thomas Kersting sing dadi ahli terapi kejiwaan lan guru bimbingan konseling ngomong, ”Otak kuwi kaya rak buku sing rapi. Ning, otaké wong sing nindakké beberapa gawéan ing wektu sing padha, kuwi kaya rak buku sing berantakan.” b
”Kowé dadi kurang tliti nèk nindakké luwih akèh gawéan bebarengan. Hasilé, kowé malah nambah-nambahi gawéanmu lan ngentèkké wektu sing isa mbok gunakké kanggo liyané.”—Teresa.
Nindakké beberapa gawéan ing wektu sing padha kuwi kaya nyetir mobil ing dalan sing béda ing wektu sing padha
Cara sing luwih apik
Ngupaya fokus ing siji gawéan. Mungkin kuwi bakal angèl nèk kowé wis biasa nindakké beberapa gawéan bebarengan. Misalé, kaya sinau karo nyambi SMS-an. Ning, Alkitab ngandhani awaké dhéwé bèn ”mastèkké perkara-perkara endi sing luwih penting.” (Filipi 1:10) Ora kabèh gawéan isa ditindakké bebarengan. Mula, kowé kudu milih salah siji gawéan sing kudu dirampungké dhisik lagi nggarap gawéan liyané.
”Nduwé pikiran sing ora fokus kuwi nggawé kowé dadi kaya cah cilik. Kadhang kowé kudu nolak kuwi senajan kétoké luwih gampang kanggo nuruti apa sing mbok péngini.”—Maria.
Nyingkirké sing nggawé ora fokus. Nèk kowé tau kegodha kanggo ndelok HP wektu lagi sinau, kowé isa mindhah HP-mu ing panggonan liya. Terus, aja nyetèl TV lan aja mbukak média sosial. Alkitab kandha, ”Gunakna wektumu nganggo cara sing paling apik.”—Kolose 4:5.
”Aku dadi ngerti nèk fokus ing siji gawéan kuwi luwih apik. Terus, aku nggawé daftar gawéan sing kudu tak tindakké. Daftar kuwi nggawé aku isa nindakké siji gawéan nganti rampung. Terus, aku isa lanjut ing gawéan liyané. Rasané seneng banget.”—Onya.
Fokus wektu lagi ngobrol. Aja dolanan HP wektu lagi ngomong karo wong liya, merga kuwi ora sopan. Alkitab kandha nèk awaké dhéwé kudu nindakké dhisik apa sing awaké dhéwé péngin wong liya tindakké marang awaké dhéwé.—Matius 7:12.
”Wektu aku ngobrol karo adikku wédok, kadhang dhèwèké malah nyambi dolanan HP. Kuwi njèngkèlké banget. Ning, sakjané aku ya kerep ngono.”—David.
Topik sing Ana Hubungané
PITAKONANÉ CAH ENOM
Piyé Carané Bèn Aku Isa Fokus?
Ana keadaan telu sing isa nggawé kowé dadi ora fokus merga tèknologi, lan apa sing isa mbantu bèn kowé tetep fokus.
ANIMASI PAPAN TULIS
Apa Kowé Kecanduan Dolanan HP?
Saiki jaman sing canggih, ning aja nganti kowé dikendhalèni donya iki. Apa kowé kecanduan dolanan hp utawa tablèt? Yèn iya, gatèkna apa sing kudu ditindakaké.
