Gusti Allah isa ndelok kabèh sing kelakon, lan ing endi waé Dhèwèké isa nindakké sing dikarepké. (Wulang Bebasan 15:3; Ibrani 4:13) Ning, Alkitab ora mulangké nèk Gusti Allah ana ing endi-endi. Menurut Alkitab, Gusti Allah kuwi makhluk roh sing nduwé panggonan.

•   Wujudé Gusti Allah: Gusti Allah kuwi makhluk roh. (Yohanes 4:​24) Ora ana wong sing isa ndelok Gusti Allah. (Yohanes 1:​18) Ing Alkitab ana beberapa wahyu sing nyritakké soal Gusti Allah. Ing wahyu kuwi dicritakké nèk Gusti Allah manggon ing panggonan sing padha. Dhèwèké ora tau pindhah-pindhah.​—Yésaya 6:​1, 2; Wahyu 4:​2, 3, 8.

•   Panggonané Gusti Allah: Alkitab kandha nèk Gusti Allah ’manggon ing swarga.’ (1 Raja 8:​30) Kuwi berarti, Gusti Allah ora manggon ing bumi utawa alam semesta, tapi ing swarga. Alkitab nyebutké nèk ”para malaékat padha ngadhep Yéhuwah,” a Berarti Gusti Allah nduwé panggonan.​—Ayub 1:6.

Nèk Gusti Allah ora ing endi-endi, apa Dhèwèké isa mbantu aku?

 Isa. Gusti Allah bener-bener sayang karo saben wong. Meskipun ana ing swarga, Gusti Allah nggatèkké lan mbantu sapa waé sing bener-bener péngin dadi sahabaté. (1 Raja 8:​39; 2 Babad 16:9) Piyé carané Yéhuwah mbantu umaté sing setya?

•   Pas awaké dhéwé ndonga: Pas awaké dhéwé lagi ndonga, Yéhuwah langsung ngrungokké.​—2 Babad 18:31.

•   Pas awaké dhéwé susah: ”Yéhuwah cedhak karo wong sing susah banget, lan Dhèwèké nylametké wong sing sengsara.”​—Mazmur 34:18.

•   Pas bingung kudu piyé: Yéhuwah ’bakal mènèhi [awaké dhéwé] pemahaman lan ngajari [awaké dhéwé]’ liwat Alkitab.​—Mazmur 32:8.

Pendapat soal Gusti Allah ana ing endi-endi

 Sing salah: Mazmur 139:8 mbuktèkké nèk Gusti Allah ana ing endi-endi. Ayat kuwi kandha, ”Nèk aku munggah ing langit, Njenengan ana ing kana. Nèk aku ana ing njero Kuburan, Njenengan ya ana ing kana.”

 Sing bener: Ayat iki ora mbahas Gusti Allah lagi ing endi. Tapi ayat iki nggambarké nèk Gusti Allah isa mbantu awaké dhéwé ora soal awaké dhéwé lagi ing endi.