Mazmur 17:1-15
Dongané Daud.
17 Oh Yéhuwah, tulung rungokna, aku njaluk keadilan.
Tulung rungokna aku wektu aku njaluk tulung.
Tulung rungokna dongaku sing tulus iki.+
2 Muga-muga Njenengan nggawé keputusan sing adil kanggo aku.+
Muga-muga Njenengan ndelok nèk aku bener.
3 Njenengan nyelidiki atiku. Malah pas bengi, Njenengan nyelidiki aku.+
Njenengan nggawé aku murni.+
Njenengan bakal ndelok nèk aku ora nggawé rencana jahatLan ora nggawé kesalahan merga omonganku.
4 Merga aku ngrungokké omongan-Mu,Aku ora mèlu-mèlu tumindaké perampok,+ ora soal apa sing ditindakké wong liya.
5 Muga-muga aku isa terus mlaku ing dalan-MuBèn sikilku ora kesandhung.+
6 Oh Gusti Allah, aku bakal ngomong karo Njenengan, merga Njenengan mesthi bakal njawab aku.+
Gatèkna aku,* lan rungokna omonganku.+
7 Duduhna katresnan-Mu sing langgeng* nganggo tumindak-Mu sing luar biasa.+
Njenengan sing nylametké wong-wong sing berlindung ing sebelah-Mu,Saka wong-wong sing mbrontak marang Njenengan.
8 Jaganen aku kaya Njenengan njaga mripaté Njenengan dhéwé.+
Tulung dhelikna aku ing ngisor sayap-Mu.+
9 Tulung lindhungi aku saka wong jahat sing nyerang aku,Saka mungsuhku sing ngepung aku lan péngin matèni aku.+
10 Wong-wong kuwi ora nduwé perasaan*Lan omongané sombong.
11 Saiki wong-wong kuwi ngepung aku.+
Wong-wong kuwi nggolèk kesempatan kanggo nyilakani aku.*
12 Wong jahat kuwi kaya singa sing nyabik-nyabik mangsané,Kaya singa enom sing ngincer ing panggonané ndhelik.
13 Oh Yéhuwah, tulung Njenengan tumindak. Lawanen+ lan kalahna wong jahat kuwi.
Slametna aku saka wong jahat kuwi nganggo pedhangmu.
14 Oh Yéhuwah, tulung slametna aku nganggo kekuwatan-MuSaka wong-wong ing donya* iki, sing mung mikirké urip saiki,+Sing wis mbok wènèhi kabèh sing apik,+Lan sing ninggali warisan kanggo anak-anaké.
15 Tapi aku, aku nggawé Njenengan seneng* merga aku wis nindakké sing bener.
Wektu aku tangi, aku ngrasa puas merga Njenengan ana ing cedhakku.*+
Katrangan Tambahan
^ Utawa ”Mbungkuk lan rungokna aku”.
^ Deloken Daftar Istilah.
^ Utawa ”Wong-wong kuwi ketutup gajihé dhéwé”.
^ Utawa ”mbanting aku ing lemah”.
^ Utawa ”jaman”.
^ Lit.: ”aku ndelok wajah-Mu”.
^ Utawa ”merga ndelok wujud-Mu”.
