Mazmur 52:1-9
Kanggo pemimpin musik. Maskil.* Lagu sing digawé Daud, sakwisé Doèg wong Édom kuwi ngandhani Saul nèk Daud teka ing omahé Ahimèlèkh.+
52 Wong sing kuwat,+ ngapa kok kowé nyombongké tumindakmu sing jahat?
Apa kowé ora ngerti nèk rasa sayangé* Gusti Allah terus ana saben dina?+
2 Omonganmu* kaya pisau sing landhep.+
Kowé ngapusi lan nggawé rencana jahat.+
3 Kowé luwih seneng kejahatan timbang apa sing apik.
Kowé luwih seneng ngapusi timbang ngomongké sing bener. (Sela)
4 Kowé* seneng ngapusi.
Kowé seneng nglarani ati nganggo omonganmu.
5 Kuwi sebabé Gusti Allah bakal bener-bener ngremuk kowé.+
Dhèwèké bakal nyekel lan nyèrèt kowé metu saka kémahmu.+
Dhèwèké bakal nyingkirké kowé, lan kowé ora bakal ana manèh ing antarané wong sing urip.+ (Sela)
6 Wong sing bener bakal padha ndelok lan nggumun.+
Wong kuwi bakal ngécé dhèwèké,+
7 ”Lha iki wong sing ora berlindung marang Gusti Allah,*+Ning malah ngendelké hartané sing akèh+Lan ngendelké rencana jahaté dhéwé.”*
8 Ning, aku bakal kaya wit zaitun sing rimbun ing omahé Gusti Allah.
Aku percaya nèk Gusti Allah bakal nresnani* aku+ saklawasé.
9 Oh Gusti Allah, aku bakal muji Njenengan saklawasé merga apa sing wis mbok tindakké.+
Ing ngarepé para abdimu sing setya,Aku bakal berharap marang jeneng-Mu+ merga jeneng-Mu kuwi kuwi apik.
Katrangan Tambahan
^ Deloken Daftar Istilah.
^ Utawa ”katresnan sing langgeng saka”. Deloken Daftar Istilah.
^ Lit.: ”Ilatmu”.
^ Lit.: ”Ilatmu”.
^ Utawa ”ora ndadèkké Gusti Allah bèntèngé”.
^ Utawa ”kesusahan sing disebabké dhéwé”.
^ Utawa ”nduduhké katresnan sing langgeng marang”. Deloken Daftar Istilah.
