Mazmur 55:1-23
Kanggo pemimpin musik: Nganggo alat musik bersenar. Maskil.* Lagu sing digawé Daud.
55 Oh Gusti Allah, tulung rungokna dongaku,+Lan tulung gatèkna aku wektu aku njaluk dimesakké.*+
2 Gatèkna aku lan jawaben aku.+
Aku ora tenang merga kuwatir,+Lan aku ngrasa ora ayem
3 Merga mungsuhku ngomong nèk arep nyilakani aku.
Wong-wong sing jahat kejem karo aku.
Wong-wong kuwi nggawé aku sengsara banget.
Wong-wong kuwi nesu lan mungsuhi aku.+
4 Atiku susah banget,+Lan aku wedi nèk mati.+
5 Saking wediné, aku ndredhegLan ketar-ketir.
6 Aku terus-terusan ngomong, ”Nèk aku nduwé sayap kaya manuk dara,Aku bakal mabur ing panggonan sing aman.
7 Aku bakal mabur ing panggonan sing adoh+Lan manggon ing padhang belantara.+ (Sela)
8 Aku bakal cepet-cepet lunga ing panggonan sing aman.
Aku bakal ngedohi masalah sing kaya angin gedhé lan badai.”
9 Oh Yéhuwah, tulung gawénen wong-wong kuwi bingung lan ora isa nindakké rencanané,*+Merga aku wis ndelok dhéwé wong-wong padha padu lan tumindak kejem ing kutha.
10 Aku ndelok kuwi awan lan bengi saka témboké kutha.
Kejahatan lan kesusahan ana ing kutha.+
11 Wong-wong sing manggon ing kutha kuwi ngalami cilaka.
Mesthi ana wong sing nindhes lan ngapusi wong liya ing lapangan kutha kuwi.+
12 Nèk mungsuhku ngécé aku,+Aku isih isa sabar.
Nèk mungsuhku nglawan aku,Aku isih isa ndhelik.
13 Ning, sing kaya ngono kuwi malah kowé,+Kanca akrabku lan wong sing dihormati padha kaya aku.*+
14 Mbiyèn awaké dhéwé kanca akrab.
Awaké dhéwé biasané mlaku bareng menyang omahé Gusti Allah karo wong akèh.
15 Muga-muga mungsuh-mungsuhku mati.+
Muga-muga wong-wong kuwi dikubur* pas isih urip,Merga wong-wong kuwi seneng nindakké sing jahat lan atiné kebak kejahatan.
16 Ning, aku bakal njaluk tulung marang Yéhuwah,Lan Dhèwèké bakal nylametké aku.+
17 Aku susah lan sambat terus saka ésuk tekan bengi,+Lan Dhèwèké ngrungokké dongaku.+
18 Dhèwèké bakal nggawé aku ayem lan nylametké* aku saka mungsuh sing nyerang aku,Merga jumlahé wong-wong kuwi akèh banget.+
19 Gusti Allah sing lungguh ing takhta kèt jaman mbiyèn+Bakal ngrungokké lan nglawan wong-wong kuwi.+ (Sela)
Wong-wong kuwi ora gelem berubahLan ora wedi marang Gusti Allah.+
20 Dhèwèké* nyerang kanca-kancané dhéwé.+
Dhèwèké ora nepati perjanjiané.+
21 Omongané pénak dirungokké, kaya mentéga sing gampang dieleg,+Ning atiné seneng padu.
Omongané nggawé ayem, kaya minyak sing nggawé alus kulit,Ning kuwi kaya pedhang sing landhep.+
22 Pasrahna kuwatirmu* marang Yéhuwah,+Lan Dhèwèké bakal ndhukung kowé.+
Dhèwèké ora bakal meneng waé nèk wong sing bener tiba.+
23 Oh Gusti Allah, Njenengan bakal nglebokké wong jahat ing kuburan.+
Wong sing seneng matèni lan sing seneng ngapusi bakal cepet mati.+
Ning aku, aku bakal terus percaya marang Njenengan.
Katrangan Tambahan
^ Deloken Daftar Istilah.
^ Utawa ”Lan aja ndhelik wektu aku ndonga njaluk tulung”.
^ Utawa ”gawénen omongané wong-wong kuwi ora isa dipahami”.
^ Utawa ”wong sing sakdrajat karo aku”.
^ Utawa ”mlebu ing Kuburan”, utawa ”Syéol”. Deloken Daftar Istilah.
^ Lit.: ”nebus”.
^ Maksudé, wong sing mauné dadi kanca sing disebutké ing ayat 13 lan 14.
^ Utawa ”bebanmu”.
