Mazmur 9:1-20
Kanggo pemimpin musik: Soal Mut-labèn.* Lagu sing digawé Daud.
א [Alef]
9 Oh Yéhuwah, aku bakal muji Njenengan sak tulusé atiku.
Aku bakal nyritakké soal tumindak-Mu sing luar biasa.+
2 Aku bakal ngrasa seneng banget lan bahagia merga Njenengan.
Oh Gusti Allah sing Mahaluhur,+ aku bakal nyanyi* kanggo muji jeneng-Mu.
ב [Bet]
3 Wektu mungsuh-mungsuhku mlayu,+Wong-wong kuwi bakal tiba lan mati ing ngarep-Mu.
4 Njenengan adil karo aku lan mbéla aku.
Njenengan mréntah, lan Njenengan adil wektu ngadili.+
ג [Gimel]
5 Njenengan nyingkirké wong jahat lan ngandhani bangsa-bangsa bèn ngerti kesalahané.+
Jenengé wong-wong kuwi Njenengan hapus nganti sakterusé.
6 Mungsuh wis disingkirké nganti saklawasé.
Kutha-kuthané ya wis Njenengan hancurké.
Wong-wong kuwi ora bakal diéling-éling manèh.+
ה [He]
7 Yéhuwah bakal mréntah saklawasé.+
Dhèwèké terus mréntah, lan Dhèwèké terus adil wektu ngadili.+
8 Dhèwèké bakal adil wektu ngadili wong-wong sing ana ing bumi.+
Dhèwèké bakal ngadili bangsa-bangsa sesuai karo apa sing bener.+
ו [Waw]
9 Yéhuwah bakal dadi perlindungan* sing aman kanggoné wong sing ditindhes,+Perlindungan sing aman wektu susah.+
10 Wong sing ngerti jeneng-Mu bakal percaya marang Njenengan.+
Oh Yéhuwah, Njenengan ora bakal ninggalké wong sing nggolèk tuntunan-Mu.+
ז [Zayin]
11 Ayo nyanyi kanggo muji Yéhuwah sing manggon ing Zion.
Critakna marang kabèh wong soal apa sing wis ditindakké.+
12 Gusti Allah bakal éling karo wong susah lan bakal balas dendam marang wong sing matèni wong sing susah kuwi.+
Dhèwèké ora bakal lali karo wong susah sing sambat njaluk tulung.+
ח [Het]
13 Oh Yéhuwah, tulung mesakké aku. Tulung deloken kesusahanku sing disebabké wong-wong sing sengit karo aku.
Njenengan sing nylametké aku bèn aku ora mati,*+
14 Bèn ing gerbang-gerbangé kutha Zion+ aku isa nyritakké tumindaké Njenengan sing pantes dipuji,Lan bèn aku ngrasa seneng merga Njenengan wis nylametké aku.+
ט [Tet]
15 Bangsa-bangsa tiba ing lubang sing digawé dhéwé.
Sikilé wong-wong kuwi kena jerat sing dipasang dhéwé.+
16 Yéhuwah dikenal merga Dhèwèké ngadili.+
Wong jahat kena cilaka merga tumindaké dhéwé.+
(Higayon.* Sela)
י [Yod]
17 Wong jahat bakal mlebu Kuburan,*Kabèh bangsa sing nglalèkké Gusti Allah ya bakal mrono.
18 Ning, Gusti Allah ora bakal lali karo wong sing mlarat,+Lan harapané wong sing wataké alus mesthi bakal kelakon.+
כ [Kaf]
19 Oh Yéhuwah, tulung bantu aku. Aja nganti manungsa ngalahké Njenengan.
Muga-muga bangsa-bangsa diadili ing ngarep-Mu.+
20 Oh Yéhuwah, gawénen wong-wong kuwi wedi+Bèn wong-wong kuwi ngerti nèk wong-wong kuwi mung manungsa biasa. (Sela)
Katrangan Tambahan
^ Deloken Daftar Istilah.
^ Utawa ”main musik”.
^ Utawa ”panggonan dhuwur”.
^ Lit.: ”sing nulungi aku saka gerbang kematian”.
^ Deloken Daftar Istilah.
^ Utawa ”Syéol”. Deloken Daftar Istilah.
