PELAJARAN 17

Yésus Kuwi Sifat-sifaté Piyé?

PUTER

Saka ajaran lan tingkah lakuné Yésus wektu ing bumi, awaké dhéwé isa ngerti sifat-sifaté. Awaké dhéwé dadi péngin akrab karo Yésus lan Yéhuwah. Apa waé sifat-sifaté Yésus? Piyé carané niru sifat-sifat kuwi?

1. Yésus karo Yéhuwah sing padha apané?

Pas ing swarga, Yésus milyaran taun nggatèkké Yéhuwah. Mulané, pikiran, perasaan, lan tingkah lakuné ya kaya Yéhuwah. (Wacanen Yohanes 5:19.) Sifat-sifaté Yésus persis kaya Yéhuwah. Mulané dhèwèké ngomong, ”Sapa waé sing wis ndelok aku ya wis ndelok Bapak.” (Yohanes 14:9) Dadi nèk ngerti sifat-sifaté Yésus, awaké dhéwé ya isa ngerti sifat-sifaté Yéhuwah. Misalé, nèk Yésus perduli karo manungsa berarti Yéhuwah ya perduli karo njenengan.

2. Apa buktiné nèk Yésus sayang karo Yéhuwah?

Yésus ngomong, ”Aku nindakké apa sing dipréntahké Bapak marang aku bèn donya ngerti nèk aku nresnani Bapak.” (Yohanes 14:31) Pas ing bumi, Yésus manut karo Yéhuwah meskipun ngadhepi masalah sing abot soalé Yésus sayang karo Yéhuwah. Yésus ya seneng crita soal Yéhuwah lan péngin bèn wong-wong dadi kancané Yéhuwah.—Yohanes 14:23.

3. Apa buktiné nèk Yésus sayang karo wong liya?

Menurut Alkitab, Yésus ”seneng banget karo manungsa”. (Wulang Bebasan 8:31) Yésus seneng mbantu lan nguwatké wong liya. Yésus nggawé mukjijat ora mung merga nduwé kuwasa, tapi ya merga mesakké wong liya. (Markus 1:40-42) Yésus apikan lan ora seneng mbédak-mbédakké wong liya. Wong sing seneng ngrungokké Yésus isa dadi semangat lan nduwé harapan. Yésus gelem sengsara lan mati merga sayang karo manungsa, terutama karo wong sing manut karo dhèwèké.—Wacanen Yohanes 15:13, 14.

SINAU LUWIH AKÈH

Ana keterangan soal sifat-sifaté Yésus lan piyé carané niru Yésus sing seneng mènèhi lan sayang karo wong liya.

4. Yésus sayang karo Gusti Allah

Nèk ndelok contoné Yésus, awaké dhéwé isa ngerti sayang karo Yéhuwah kuwi kaya apa. Wacanen Lukas 6:12 lan Yohanes 15:10; 17:26. Bar maca ayat-ayaté, rembugen pertanyaan iki:

Apa buktiné nèk awaké dhéwé sayang karo Yéhuwah kaya Yésus?

Yésus kerep ndonga merga dhèwèké sayang karo Yéhuwah

5. Yésus perduli karo wong liya

Yésus ngutamakké wong liya. Meskipun awaké kesel, dhèwèké tetep ana wektu kanggo mbantu wong liya. Wacanen Markus 6:30-44, terus rembugen pertanyaan-pertanyaan iki:

Apa buktiné nèk Yésus perduli karo wong liya?—Deloken ayat 31, 34, 41, lan 42.
Ngapa kok Yésus gelem mbantu wong liya?—Deloken ayat 34.
Yésus kan sifaté padha kaya Yéhuwah, berarti Yéhuwah kuwi piyé?
Piyé carané niru Yésus sing perduli karo wong liya?

6. Yésus seneng mènèhi

Yésus seneng mènèhi meskipun dhèwèké ora sugih. Dhèwèké ya ngajari bèn awaké dhéwé seneng mènèhi. Wacanen Kisah 20:35, terus rembugen pertanyaan iki:

Menurut Yésus, piyé carané bèn awaké dhéwé bahagia?

Setèlen VIDÉONÉ, terus rembugen pertanyaan iki:

VIDÉO: Luwih Bahagia Mènèhi—Cuplikan (4:00)

Meskipun ora sugih awaké dhéwé isih isa ngekèki apa?

Keterangan

Menurut Alkitab, nèk ndonga kudu nganggo jenengé Yésus. (Wacanen Yohanes 16:23, 24.) Kuwi bukti nèk awaké dhéwé maturnuwun karo Yésus soalé liwat Yésus, awaké dhéwé isa dadi kancané Yéhuwah.

NÈK ANA SING NGOMONG: ”Wong ngalami susah kuwi merga lagi dicoba Gusti Allah.”