Akèh pamréntah ngetrapké physical distancing lan ora ngijinké pertemuan ing panggonan umum. Seksi-Seksi Yéhuwah manut arahan kuwi, ning ya ngupaya nggolèk cara liyané bèn isa nganakké pakumpulan ibadah nganggo cara sing aman. Bèn isa tetep ngibadah, jemaat-jemaat nggunakké aplikasi video-conference, misalé Zoom.

 Bèn isa terus ngibadah, Pengurus Pusat setuju nggunakké dhuwit sumbangan kanggo tuku akun Zoom bèn isa digunakké jemaat-jemaat. Iki bener-bener mbantu beberapa jemaat sing ora isa tuku akun aplikasi video-conference sing regane Rp 200.000-300.000 utawa luwih. Jemaat-jemaat iki mauné nggunakké aplikasi gratis sing kurang aman lan sing jumlah hadiriné dibatesi. Saiki, kabeh jemaat sing nganggo akun Zoom saka organisasi isa ngrasakke manfaat merga gampang ngatur keamanane. Terus, jumlah hadirin sing melu ngibadah ya isa dadi luwih akeh. Nganti saiki, ana luwih saka 65.000 jemaat ing luwih saka 170 negara sing nggunakke akun Zoom saka organisasi.

 Jemaat Kairagi ing Manado, Sulawesi Utara, Indonesia, wis ora nggunakké aplikasi video-conference sing gratis, ning mulai nggunakké akun Zoom saka organisasi. Sedulur Hadi Santoso kandha, ”Malah, sedulur-sedulur sing ora biasa nganggo perangkat èlèktronik saiki ora bingung merga ora perlu mlebu bola-bali wektu ngibadah.”

 Pinituwa saka jemaat Guayacanes Oeste ing Guayaquil, Ekuador sing jenenge Lester Jijón, Jr., kandha, ”Beberapa jemaat ora isa tuku akun Zoom merga para sedulur ing kono ora nduwé dhuwit. Akibaté, para sedulur kuwi ora isa ngibadah bareng sak jemaat. Saiki, merga organisasi wis mènèhi akun Zoom sing jumlah hadiriné ora dibatesi, awaké dhéwé isa ngundang luwih akèh wong kanggo mèlu ngibadah.”

 Pinituwa saka jemaat Ngwerere Utara ing Lusaka, Zambia, sing jenengé Johnson Mwanza, crita, ”Akèh sedulur ngrasa nèk akun Zoom saka organisasi ora mung nggawé para sedulur luwih cedhak, ning ya ngrasa nèk Yéhuwah bener-bener sayang lan perduli karo umaté.”

 Akun-akun Zoom saka organisasi iki dituku nggunakké dhuwit saka sumbangan kanggo penanggulangan bencana. Sumbangan kanggo penanggulangan bencana dijupuk saka sumbangan kanggo gawèan sak donya. Sing nyumbang akèh-akèhé liwat situs wèb donate.mr1310.com. Maturnuwun kanggo sumbangane njenengan sing ndhukung bantuan kemanusiaan sak donya.​—2 Korintus 8:14.