YOMARA karo loro adhiné, yaiku Marcelo lan Hiver, manggon ing desa ing Guatemala. Awalé, Yomara sik sing sinau Alkitab. Terus, adhiné loro ya melu sinau Alkitab. Tapi, masalahé telu-teluné wuta lan ora isa maca huruf braille. Dadi, sing ngajari Alkitab bakal macakké paragrafé karo ayat-ayaté.

Tapi ana masalah liyané. Wong telu kuwi ora isa mangkat ngibadah dhéwé soalé omahé lumayan adoh. Jarak omahé saka Balai Ibadah kuwi kira-kira 40 menit. Dadi sedulur-sedulur njemput wong telu kuwi bèn isa ngibadah. Terus pas wong telu kuwi mulai éntuk tugas siswa, sedulur-sedulur mbantu wong telu kuwi ngapalké bahané.

Sasi Mei 2019, pertemuan ibadah mulai dianakké ing désané wong telu kuwi. Terus, ana suami istri sing nglayani dadi perintis biasa sing pindhah mrono. Suami istri kuwi péngin ngajari Yomara karo adhi-adhiné bèn isa maca lan nulis nganggo huruf braille. Tapi merga suami istri kuwi ora ngerti carané, kudu sinau sik. Suami istri kuwi lunga ing perpustakaan bèn ngerti carané maca lan nulis nganggo huruf braille, terus ya sinau carané ngajari wong wuta.

Beberapa bulan bar kuwi, Yomara karo adhi-adhiné wis isa maca huruf braille. Terus wong telu kuwi isa dadi penginjil lan dibaptis. Saiki Yomara, Marcelo, karo Hiver wis dadi perintis biasa. Malah, Marcelo ya dadi abdiné jemaat. Wong telu kuwi sibuk banget nglayani Yéhuwah. Sedulur-sedulur ing jemaaté ya dadi mèlu semangat.

Yomara karo adhi-adhiné bersyukur banget merga sedulur-sedulur seneng mbantu. Yomara ngomong, ”Kèt awal aku ngerti nèk Seksi Yéhuwah kuwi saling menyayangi.” Terus Marcelo ngomong, ”Ing jemaat, kancaku akèh banget. Aku seneng isa dadi umaté Yéhuwah. Ing sak donya aku ya nduwé sedulur-sedulur sing saling menyayangi.” Yomara, Marcelo, karo Hiver ngentèni wektuné isa ndelok bumi iki dadi Firdaus.​—Mzm. 37:10, 11; Yés. 35:5.