Para ahli taman ngedhunaké wit oak lan wit maple. Ana luwih saka 1.400 wit anyar sing ditandur ing Warwick.

Para sedulur sing mbantu proyèk ing Warwick teka ing Pèngetan Sédané Yésus. Sing teka ana 384. Acara Pèngetan dianakaké Seksi-Seksi Yéhuwah sakdonya saben taun.

Para sedulur masang jendhéla ing pos pintu gerbang. Para sedulur sing tugas ing pos kuwi bakal nampa tamu, njaga keamanan, lan ngatur mlebu-metuné kendaraan.

Bapak lan anak lagi masang potongan-potongan karpet ing koridor lantai loro. Bentuké karpet kuwi potongan, dudu gulungan, supaya luwih gampang diganti yèn rusak.

Para sedulur masang sekat-sekat kantor sing gampang dibongkar, mula ukuran kantor bisa diowahi manut kebutuhané.

Sedulur sing lagi arep masang sekat-sekat WC ing WC utama kanggo tamu ing sebelahé lobi.

Tim Penanggulangan Darurat lagi dilatih dadi petugas pemadam kebakaran. Yèn cepet nindakaké tugasé wektu ana kobongan, para sedulur iki bisa nglindhungi para sedulur liyané lan gedung-gedung ing Warwick. Para sedulur mau bisa mbantu para petugas pemadam kebakaran ing kutha kuwi.

Sedulur bagéan dapur ngatur lungguhé para sedulur ing ruang makan utama sakdurungé acara Ibadah Ésuk dimulai. Kuwi sepisanan acara Ibadah Ésuk nganggo sambungan internet.

Sedulur sing lagi masang petunjuk nganggo meteran laser. Bakal ana 2.500 petunjuk utawa tandha kanggo mbantu keluarga Bètel lan tamu.

Sedulur sing lagi ngelas cekelan undhak-undhakan antarané lobi karo auditorium. Ing kono ana kain sing ora gampang kobong, sing digunakaké kanggo nutupi dhaérah sak cedhaké undhak-undhakan supaya ora ana sing rusak kena geni.

Sedulur saka Departemen Dinding/Plafon lagi ngratakaké témbok gypsum ing ngarep museum ”Bukti Iman”, salah sijiné museum sing ora ana pemandhuné. Dekorasiné saben museum digawé manut karo bab sing dirembug.

Para sedulur lagi siap-siap arep nggawé lantai beton bèn padhet, awèt, gampang dirumat, ora kena debu, lan ora ana bekas ban sing nèmpèl ing kono.

Para sedulur lagi masang atap fiberglass ing pintu masuk lobi. Atap iki tembus pandang, dadi cahya srengéngé bisa mlebu.

Wong bebojoan masang keramik granit ing pintu masuk museum ”Alkitab lan Asmané Gusti Allah”.

Sedulur wédok lagi masang kursi ing auditorium utama. Ing kono ana 1.018 kursi. Auditorium kuwi bakal dinggo keluarga Bètel kanggo Sinau Warta Penting lan acara ibadah liyané.

Ing lobi utama, para sedulur lagi masang lampu tandha selamat datang.

Sedulur wadon loro saka Departemen Layanan Gedung lagi nyiapaké banyu ngombé kanggo para sedulur sing kerja ing lobi utama. Wektu hawané panas, para sedulur diélingaké kon ngombé banyu sing akèh bèn ora lemes.

Ana sedulur sing masang etalase kanggo majang terjemahan Alkitab sing wis langka ing museum ”Alkitab lan Asmané Gusti Allah”. Ing museum iki uga ana galeri sing gentènan nduduhaké Alkitab-Alkitab liyané lan barang-barang peninggalan sing ana hubungané karo Alkitab.

Sedulur sing lagi nggunakaké cétak biru lan disorotaké ing témbok kanggo masang péta ing lobi utama. Sedulur kuwi masang péta Australia lan pulau-pulau ing Asia Tenggara. Ing témbok kuwi uga ana jeneng Seksi-Seksi Yéhuwah ing kira-kira 700 basa.

Anggota keluarga Bètel teka ing acara orientasi. Acara iki dianakaké kanggo nyambut lan nglatih para sedulur sing bakal dadi anggota keluarga Bètel Warwick. Acara iki uga kanggo ngandhani para sedulur carané bèn ora cilaka wektu nggarap proyèk pembangunan.

Para sedulur masang lampu bunder sak ndhuwuré méja pembawa acara JW Broadcasting. Mèh kabèh peralatan studio JW Broadcasting dipindhahaké saka studio sing lawas ing Brooklyn menyang Warwick.

Sedulur lanang lagi masang papan nama kantor pusat nganggo lampu LED ing jalan masuk utama. Mulai 1 September, akèh departemen ing kantor pusat bakal nyambut gawé ing kono.