Peringatan Kematiané Yésus
Setu, 12 April 2025
Setaun pisan, Seksi-Seksi Yéhuwah ngumpul kanggo ngéling-éling kematiané Yésus. Kuwi merga manut karo préntahé Yésus, ”Terus tindakna iki kanggo ngéling-éling aku.”—Lukas 22:19.
Njenengan diundang mèlu acara iki.
Wong-Wong Biasané Takon
Acarané pirang jam?
Kira-kira mung sak jam.
Acarané ing endi?
Takona Seksi-Seksi Yéhuwah nèk péngin ngerti lokasiné.
Nèk mèh mèlu, mbayar apa ora?
Ora.
Dijaluki kolèkte apa ora?
Ora.
Apa kudu nganggo pakaian tertentu?
Ora ditentokké kudu nganggo klambi apa. Tapi Seksi-Seksi Yéhuwah berusaha ngetrapké pathokan ing Alkitab soal nganggo pakaian sing sederhana lan sopan. (1 Timotius 2:9) Njenengan ora perlu nganggo klambi sing larang utawa méwah.
Acarané kaya apa?
Acarané dimulai lan diakhiri nganggo nyanyian lan donga. Sing mimpin donga mengko Seksi-Seksi Yéhuwah. Ana ceramah sing dhasaré Alkitab sing ngrembug ngapa kok Yésus kudu mati lan piyé bèn awaké dhéwé isa éntuk manfaat saka tebusané Yésus.
Nèk péngin ngerti luwih akèh, wacanen artikel ”Ngapa Kok Carané Seksi Yéhuwah Nganakké Perjamuan Dalu Gusti Ora Padha karo Gréja Liyané?”
Taun-taun berikuté, acara Peringatané tanggal pira?
2025: Setu, 12 April
2026: Kemis, 2 April
Topik sing Ana Hubungané
PERINGATAN
Memperingati Kematiané Yésus
Seksi-Seksi Yéhuwah seneng ngundang njenengan kanggo memperingati kematiané Yésus. Njenengan isa ngerti ngapa kok Yésus ngorbanké nyawané lan apa manfaaté pengorbanan kuwi kanggo njenengan.
WULANGAN PENTING SAKA ALKITAB
Ngapa Yésus Kudu Mati?
Yésus mati kanggo nebus dosané awake dhéwé. Ning, apa pengorbanané wong siji isa dienggo nebus dosané wong akèh?